17:30
"Milan" və "İnter" "San Siro" stadionunu və ətraf əraziləri satın alıblar.
QOL.az xəbər verir ki, bu haqda hər iki klubun mətbuat xidməti məlumat yayıb.
Daha əvvəl "Milan" və "İnter"in stadionu söküb yerində yeni arena tikməyi planlaşdırdığı bildirilirdi.
Bu dəfə isə onlar stadion və onun ətrafı da daxil olmaqla böyük "San Siro" kompleksinin alınması üçün Milan Bələdiyyəsi ilə müqavilə imzaladıqlarını elan ediblər.
"Milan" və "İnter" yaydıqları bəyanatda bildiriblər: "Yeni stadionun tikintisi və "San Siro"nun yenidən qurulması layihəsi Milanının və hər iki klubun tarixində yeni səhifə açacaq. Bu strateji mərhələ "Milan" və "İnter"in, eləcə də onların sahibləri "RedBird" və "Oaktree"in uzunmüddətli idman uğurlarına və klubların davamlı böyüməsini dəstəkləmək üçün sərmayələrə olan birgə öhdəliyini əks etdirir.
Klublar yeni dünya səviyyəli stadionunun dizaynını və ətraf ərazinin baş planını "Foster + Partners və MANICA"ya həvalə ediblər. Stadion ən yüksək beynəlxalq standartlara cavab verəcək və Milanın yeni memarlıq simvoluna çevriləcək".
Qeyd edək ki, "San Siro" stadionunda həm "Milan", həm də "İnter" ev oyunlarını keçirir. Sözügedən klublar bunadək arenanı icarə əsasında istifadə edirdilər.
