05.06.26
Ağdamlılar demiş, «Qarabağ» macarlara ot yoldurdu, həm də öz stadionlarının otunu. «Qarabağ»ın at ağızlı oğulları ayğır atlar kimi «Ferentsvaroş»u tapdalayıb keçdi.
Artıq UEFA Çempionlar Liqasının təsnifat turunda beşinci oyundur ki, «Qarabağ» dalbadal qələbə qazanır. İnşallah, Bakıdakı oyunda da qələbə qazanarıq və yenidən Avropanın ən möhtəşəm turnirində qrupa düşərik. Və yenə də Bakıda Çempionlar Liqasının himnini dinləyərik.
Mətbuata açıqlama vermişdim ki, biz Macarıstandan qələbə ilə dönəcəyik və mən də bu qələbə münasibətilə kəndimizdə qurban kəsdirib imkansız ailələrə paylatdıracam. Bu gün hazırda kənddə olan qardaşıma telefon açdım, dedim ki, bir qurban kəs payla – «Qarabağ»ın qələbəsinə görə.
Xanımım da «Qarabağ»ın fanatına çevrilib. Bəşir Səfəroğlunun dediyi kimi, naxoşduyub.
Bir dayım vardı, televizorda futbola baxanda, top ötürüləndə gedirdi televizorun qabağında, gah sağ tərəfə çəkilib baxırdı, gah sol tərəfə. Elə bilirdi ki, onda topun hara getdiyini görəcək. İndi xanımım da oyun zamanı tez-tez yerindən qalxıb, televizora yaxınlaşır, gah sağdan, gah da soldan baxır.
Bakıda «Şkendiya» bizim qapıya qol vuranda mən çox dilxor oldum. Xanımım dedi ki, narahat olma, fasilədə Qurban Qurbanov uşaqlara elə bir ruh, motivasiya verəcək ki, qayıdıb üç-dörd qol vuracaqlar.
Elə də oldu.
Macarlarla oynayanda da birinci topu macarlar vurdu, yenə mən pərt oldum. Xanımım yenə dedi:
- Darıxma, fasilədə Qurban Qurbanov yenə uşaqlara elə bir motivasiya verəcək ki, qayıdıb üç-dörd qol vuracaqlar.
Elə də oldu.
Həmişə «Qarabağ» oyuna başlayanda xanımıma deyirəm ki, «Qarabağ»a dua elə, Allah sənin duanı eşidir. O da başlayır dua etməyə.
Qurban xocanı və onun at ağızlı futbolçularını ürəkdən təbrik edirəm.
Və sonda. «Qarabağ» oynayır. Mən də Vaqif Cavadovun rəhmətlik atası Füzuli Cavadovla Şərəf tribunasında yan-yana oturmuşam. Yanımızda futbola baxanlar tez-tez Vaqif Cavadova irad tuturlar: topu düz ötürmədi, topa çata bilmədi, ötürmədə gecikdi və sair.
Oyunun birinci hissəsinin sonunda Füzuli Cavadov bu iradlara dözmədi, qalxdı ayağa və dedi:
- Burda hamı futbol professoruymuş ki?!
Və çıxıb getdi.
İndi Azərbaycanda da «futbol professorları» çoxalıb. Sosial şəbəkələrdə, hətta mətbuatda hamı Qurban Qurbanova məsləhət vermək istəyir.
Məsləhətinizi özünüzə saxlayın. Qurban Qurbanov nəyi necə etməyi çox gözəl bilir.
Aqil Abbas
Dünya çempionatından klublar nə qədər qazanacaq?
“Ayntraxt” 5 futbolçusunu yola sala bilər
“Feyenoord”dan gözlənilməz qərar - Van Persi göndərildi
İngiltərə klubundan ona 60 milyonluq təklif var
Milli müdafiəçisini yoldaşlıq matçında itirdi
"Barselona"ya keçə bilər
Kipr yığması səfərdə qalib gəldi
Deşam DÇ-2026 favoritlərini açıqladı
"Ehtiyat oyunçu statusu məni narahat etmir"
İran millisindən yekun qərar - ABŞ-da qalmaq olmayacaq
"Çelsi" İraoladan niyə imtina etdi?
"Barselona" Yamala şərt qoydu
Millinin baş məşqçisi ilə yeni müqavilə imzalandı
Azarkeşlər Levandovskinin əvəzləyicisini seçdilər
Oyun şansı tapa bilmədiyi üçün klubdan getmək istəyir
Tuhel İngiltərənin oyununu tənqid etdi
Tanınmış futbolçu Meksika klubundan ayrılır
"Fənərbaxça" bu ulduz futbolçuları almaq istəyir
"Şamaxı" onu da heyətdə saxladı
"Zirə" Tiaqo Silva ilə yolları ayırdı
Dünya Çempionatı 2026
Xəbərlər
Təqvim
Cədvəl