16:13
Braziliya millisinin yeni baş məşqçisi Karlo Ançelotti 2026-cı il dünya çempionatının seçmə mərhələsi çərçivəsində keçiriləcək qarşılaşmalar üçün heyəti açıqlayıb.
QOL.az xəbər verir ki, bu barədə Braziliya Futbol Konfederasiyasının mətbuat xidməti məlumat yayıb.
Heyətə 25 futbolçu daxil edilib. Ən böyük sürpriz Karlo Ançelottinin rəhbərliyi altında bu mövsüm Madrid “Real”ında çıxış etmiş Rodriqo Qoisin heyətdə yer almaması olub. Bundan əlavə, İspaniyanın “Betis” klubunda çıxış edən hücumçu Antoni uzun fasilədən sonra — 2023-cü ilin mart ayından bəri ilk dəfə milli komandaya çağırılıb.
Həmçinin “Mançester Yunayted”in yarımmüdafiəçisi Kazemiro da heyətə qayıdıb.
Ançelottinin rəhbərliyi altında Braziliya millisinin qarşıdakı oyunlar üçün tam heyəti belədir:
Qapıçılar: Alisson Bekker (“Liverpul”), Bento (“Əl-Nasr”), Uqo Souza (“Korintians”)
Müdafiəçilər: Aleks Sandro (“Flamengo”), Aleşandro (“Lill”), Lukas Beraldo (“PSJ”), Leo Ortis (“Flamengo”), Markinyos (“PSJ”), Karlos Auqusto (“İnter”), Danilo (“Flamengo”), Vanderson (“Monako”), Uesli (“Flamengo”)
Yarımmüdafiəçilər: Andreas Pereyra (“Fulhem”), Andrey Santos (“Strasburq”), Bruno Gimarains (“Nyukasl Yunayted”), Kazemiro (“Mançester Yunayted”), Ederson (“Atalanta”), Jerson (“Flamengo”)
Hücumçular: Estevao (“Palmeyras”), Antoni (“Betis”), Qabriel Martinelli (“Arsenal”), Mateus Kunya (“Vulverhempton”), Vinisius Junior (“Real”), Rafinya (“Barselona”), Rişarlison (“Tottenhem Hotspur”)
Qeyd edək ki, Braziliya milli komandası 2026-cı il dünya çempionatının seçmə mərhələsində iyunun 6-da Ekvador, iyunun 11-də isə Paraqvayla qarşılaşacaq.
İngiltərə Premyer Liqasında mövsümün rəmzi komandası
La Liqada mövsümün ən yaxşı məşqçisi adına namizədlər
AFFA U-15 Liqasının qalibi məlum oldu
"Milan"ın yeni idman direktoru açıqlandı
"Everton"da 4 ayrılıq
"Mançester Yunayted"dən 100 milyonluq transfer icazəsi
Xabi Alonso "Real"a təyinatından danışdı
Vladimir Putin Murad Musayevi təbrik etdi
"Arsenal"dan 5 illik müqavilə təklifi
ÇL finalından əvvəl o da səhnə alacaq
