Təbriz komandası İran çempionluğuna doğru inamla irəliləyir

Təbriz komandası İran çempionluğuna doğru inamla irəliləyir
DÜNYA FUTBOLU 4 Aprel 2025 / 22:02 1606
-  A +

Bu gün İran çempionatında növbəti oyunlar keçirilib.

QOL.az xəbər verir ki, turnir cədvəlinin lideri olan Təbrizin “Traktor” komandası 24-cü oyununda Tehran təmsilçisi “İstiqlal”ı qəbul edib.

Matçda hesabı 12-ci dəqiqədə Xəlilzadənin qolu ilə qonaqlar açsa da, meydan sahibləri elə birinci hissədə qarşılaşmanın taleyini həll edən qolları vurublar.

Bu, Amirhosseyn Hosseynzadənin dublu sayəsində mümkün olub. 24 yaşlı hücumçu əvvəlcə 23-cü dəqiqədə cavab, 37-ci dəqiqə isə qələbə qolunu "İstiqlal"ın qapısından keçirib.

Beləliklə, görüş “Traktor”un 2:1 hesablı qələbə isə yekunlaşıb.

Bu matçdan sonra Təbriz təmsilçisi 24 oyundan 54 xalla liderlik mövqeyini qoruyur. İkinci pilləni tutan İsfahanın “Spehan” komandası “Traktor”dan 5 xal geri qalır (24 matçdan 49 xal).


Son xəbərlər