Biri var idi, biri yox idi...
Ötən gün Azərbaycan millisi Millətlər Liqasının 4-cü turunda Slovakiyaya uduzdu. Daha doğrusu, Slovakiyaya da uduzdu. Milli geridə qalan 3 turda da məğlub olmuşdu, axı. Əvvəlcə İsveçə, sonra Slovakiyaya, sonra da Estoniyaya.
Nağıl kimidir. Özü də, qorxulu nağıl. Bu nağılın "qəhrəmanlar"ı adamı məyus edir, heyrətləndirir, dəhşətə gətirir.

Nağılı danışanlar...
AFFA rəhbərliyinin hər yeni baş məşqçi təyin olunanda verdiyi vədlər, planlar insanın qulağına pıçıltı kimi gəlir. Sanki adam yuxuya gedir. Amma bu vədlər xam xəyallardan başqa bir şey deyil ki, deyil.
Hər əcnəbi mütəxəssis təyin olunanda başlanğıc da eyni olur, gedişat da, sonluq da. Dəyişən nədir? Sadəcə hesabdakı rəqəmlər, uduzduğumuz rəqiblər. Amma deyəsən, ən çox Santuşların, De Byazilərin aldığı məvaciblərdə rəqəmlər dəyişir. Xariqələr yaradacaqlar axı.
Məşhur mütəxəssis (şübhəli) Fernandu Santuş da millimizə baş məşqçi təyin olunanda yığmanın mentalitetini dəyişəcəyini, yeni işlər görəcəyini, komandaya qələbə qazanmağı öyrədəcəyini deyirdi... Hələ ki, Santuş heç nə öyrədə bilməyib. Amma Azərbaycan millisi Santuşa uduzmağın yeni sirlərini öyrədib.
Kim yatmış, kim oyaq? Hamı yatıb, Cırtdan oyaq...
Başda AFFA olmaqla hamı yatıb. Necə dəyərlər, fil qulağında. Ya da bəlkə, elə hamını yuxuya vermək istəyən onlardır?
Bircə oyaq olan bəzi jurnalistlər və azarkeşlərdir. Deyəsən, futbolumuzun başbilənləri jurnalistləri və azarkeşləri Cırtdan gözündə görürlər. Çünki bu qədər insanın fikirləri, analizləri onlar üçün heç nədir elə bil. Axı, jurnalistlərin, azarkeşlərin bar-bar bağırdığı, əvvəldən proqnozlaşdırdığı nəticələri niyə AFFA rəhbərliyi, Santuşu o vəzifəyə gətirənlər görə bilmir?
Məsələ Santuşla da bitmir... Bizim milli futbolçularımızın, bu komandanın qürurunu daşıyan oyunçularımızın sayı indi heç 11 nəfərə də çatmır. Təəssübkeş oyunçularımız xeyli azalıb. Bu ölkədən 44 gün ərzində qeyrətli 3 mindən çox şəhid çıxdı, amma onillər ərzində 11 nəfər başıpapaqlı futbolçu çıxmadı.
İt hürən tərəfə gedək, yoxsa işıq yanan tərəfə?..
Görünür, futbolumuz hələ it hürən tərəfə gedir. Bəs işıq yanan tərəf? Bizim yolumuzda işıq yanmır. Ancaq o halda yanar ki, sözün əsl mənasında azyaşlı futbolçulara diqqət ayrılsın, onları yetişdirmək istəyənlər olsun. Hazırkı durumda futbolun inkişafı üçün 1 addım atılsa, bu addımın nəticəsini ən az 10 il sonra görə biləcəyik.
Yalnız millinin məsuliyyətini dərk edəcək futbolçularımız ortaya çıxacağı və komandaya Azərbaycan adının əhəmiyyətini dərk edən bir mütəxəssis təyin olunacağı halda o işıq yanacaq.
Nağılımızın dəhşətli sonluğu isə yaxındır - D Liqası!
Göydən 3 alma düşdü... 3-ü də işığımızı söndürənlərin başına...
Nur Zeynalova
Azərbaycan millisi Andorraya qalib gəldi
“Kamp Nou”nun tam hazır olacağı tarix açıqlandı
Emin Mahmudova xüsusi hədiyyə təqdim olundu - Şəkillər
“Turan Tovuz”un futbolçusunun yığması uduzdu
Stas Pokatilovun millisi heç-heçə etdi
Andorra - Azərbaycan: Heyətlər
“Real”a keçə bilər
"Qaradağ Lökbatan"ın 7 qollu qələbəsindən - Video
“Qalatasaray”ın ev oyunu stadionu dəyişdirildi
“Qaradağ Lökbatan” və “Şirvan”dan böyükhesablı qələbə
Ukrayna millisinin baş məşqçisi Kaşuku təriflədi
İngiltərə klubunda yeni baş məşqçi
Ronaldonun oğlu U-17 millisində debüt etdi
Ançelotti onu istefaya çağıran Romarioya cavab verdi
Portuqaliya millisindən ayrıldılar
“Xankəndi” tarixi oyuna hazırlaşır - Müsahibə
Lukaku milli karyerasını başa vurdu
Yassin Benzia bu kluba keçdi
Yamal onu təhqir etdi
İspaniyanın məğlubiyyətsizliyinə son qoyuldu
Uqo Lloris ilkə imza atdı
Modriç Messiyə çatdı
Sergen Yalçından sərt reaksiya
İngiltərə millisindən tarixi rekord
Türkiyə Millətlər Liqasını xalsız başa vurdu
İngiltərə İspaniyaya, Fransa Türkiyəyə qalib gəldi
Millimiz Andorrada məşqə çıxdı - Şəkillər
Azərbaycan cüdoçusu Zaqrebdə çempion oldu
Fransa - Türkiyə matçının heyətləri açıqlandı
“Millidən getmək üçün ən doğru vaxt indidir” - Emin Mahmudov
“Sabah Emin üçün meydana çıxacağıq” - Ayxan Abbasov
1-ci liqada həftənin hakimləri məlum oldu
Mərhum futbolçu yad edildi, “Tenerife” qalib gəldi
“Marafon” və “Ağstafa Gəncləri”ndən böyükhesablı qələbə
Əfsanələrin dueli 11 qolla yadda qaldı
“Qarabağ”ın legioneri millidə qol ötürməsi etdi
“Çelsi” yenidən şansını yoxlayacaq
Futbolçunun faciəvi ölümündən sonra yoxlamalar başlandı
Zidan Türkiyə ilə oyun öncəsi nikbinliyini qoruyur
“Portuqaliya ən böyük futbolçularından birini itirib”
Poçettino “Mançester Yunayted”də ilkə imza ata bilər
“Tottenhem”dən ayrılmaq qərarına gəldi
“Barselona” Ferminə görə 100 milyonluq təkliflər alıb