01.11.25
Azərbaycan cüdoçusu Könül Əliyeva (52 kq) Estoniyanın paytaxtı Tallində gənclər arasında Avropa çempionatında qızıl medal qazanıb.
QOL.az xəbər verir ki, o, həlledici görüşdə Zilan Ertemi (Türkiyə) məğlub edib. Bununla da Könül yarışda Azərbaycanın aktivinə ilk medalı yazdırıb.
Nizami İmranov (60 kq) isə finalda Nazar Viskova (Ukrayna) uduzaraq gümüş medala yiyələnib.
* * *
Bu gün Azərbaycanın daha bir cüdoçusu - Fidan Əlizadə (57 kq) gənclər arasında Avropa çempionatında qızıl medal qazanıb. O, bütün əqiblərinə qalib gələrək fəxri kürsünün ən yüksək pilləsinə qalxıb.
Qeyd edək ki, Avropa çempionatı sentyabrın 8-dək davam edəcək.
