19:07
"Qarabağ" son 10 ildə avrokuboklarda öz damğasını vurur. Çünki bizim üst səviyyəli klublardan fərqli olaraq "ununu ələmiş, ələyini asmış" transferlər əvəzinə məşhur olmayan, dinamik və məhsuldar oyunçulara üstünlük verir".
QOL.az xəbər verir ki, bu fikirlər türkiyəli məşqçi Naci Şensoya məxsusdur.
“Turan”ın (hazırkı “Turan Tovuz”) sabiq baş məşqçisi "Qarabağ"ın UEFA Çempionlar Liqasının 3-cü təsnifat mərhələsinin cavab matçında səfərdə "Ludoqorets"ə (Bolqarıstan) 7:2 hesabı ilə qalib gəlməsi ilə bağlı fikirlərini bölüşüb. Feysbuk səhifəsində bu barədə paylaşım edən mütəxəssis Türkiyə klublarındakı idarəetməni tənqid edib və "Qarabağ"ı onlara nümunə göstərib:
"Qalatasaray'ın UEFA kubokunu qazandığı komandada cəmi 2-3 əcnəbi var idi. Alınan əcnəbilər də Hacı, Popesku və ya Taffarel kimi keyfiyyətli futbolçular idi. Onlar alınanda yaşları otuzdan keçməmişdi. Bu nailiyyəti əldə etdikdən sonra hədəf Çempionlar Liqası titulu idi. Amma təəssüf ki, Türkiyə futbolu günü-gündən geriləməyə başladı. Düşünürəm ki, yanlış transfer siyasəti əsas problemdir. Liqamızda çempionluq qazanan "Bursaspor" belə, bu səbəbdən müflis olub həvəskar liqaya düşdü.
Son illər transfer işində özümüzü ərəb və ya Çin klubları kimi aparmağa başlamışıq. Adı, karyerası olan yaşlı və faydasız əcnəbiləri, hətta 36-37 yaşlıları transfer etməyə başladıq. Beləliklə, biz sadəcə azarkeşi aldatdıq. Amma "Qarabağ" belə etmədi. Ağıllı insan özünün deyil başqalarının səhvlərindən dərs çıxarandır. Məsələn, "Qarabağ" klubunun rəhbərliyi və baş məşqçisi - köhnə dostum Qurban Qurbanov özünü avropalı kimi aparır və çox rasional transfer siyasəti yürüdür. Ona görə də uğurdan-uğura gedirlər. Bir daha təbriklər, avropalı "Qarabağ".
.
N.Şensoy "Qarabağ"ın avrokuboklardakı bu qələbələrinin həm də siyasi uğur olduğunu bildirib: "Bəli Qarabağ torpaqları qanla alındı. Buna görə bütün şəhidlərə rəhmət diləyirəm, amma unutmaq olmaz ki, "Qarabağ" futbol klubu da yaşıl meydanlarda qeyri-adi təbliğatı ilə Qarabağın Azərbaycanın olduğunu bütün dünyanın, o cümlədən avropalıların şüuruna həkk etdi".
Avropa Liqasının ağası
DÇ-2026-nın reklam çarxında yer aldı, azarkeşlər qınadı
Premyer Liqanın ən gənc çempionu oldu
Dembele "Arsenal"a qarşı oynayacaq
Kukurella "Çelsi"dən gedəcək?
"Arsenal" Artetaya yüksək maaş təklif edə bilər
Millinin təlim-məşq toplanışı ləğv edildi
Mourinyo Vinisiusla bağlı nə düşünür?
"Arsenal" çempionluq paradı keçirəcək
Türkiyə kubokunda finalın hakimləri açıqlandı
Son üç mövsümün bombardirləri kimlərdir?
UEFA milli komandalar üçün yeni format müəyyənləşdirdi
Meydanı özbaşına tərk edən bölgə klubu cəzalandırıldı
1-ci liqanın çempionu cərimələndi
AFFA-dan "Sabah" və "Neftçi"yə cəza
“İmişli”də yeni müqavilə
Son üç mövsümün 10 bombardiri
11 illik dövrün sonu
Noyer mundialı buraxa bilər
Artetadan Premyer Liqa tarixinin rekordu
