19:07
“Çətin səfər oyun idi. Matça çox ciddi hazırlamışdıq. Yaxşı nəticə qazanmaq istəyirdik. Təəssüf ki, məğlub olduq”.
QOL.az saytına müsahibəsində bu sözləri “Şamaxı”nın müdafiəçisi Adil Nağıyev Misli Premyer Liqasının ikinci turunda “Araz-Naxçıvan” 0:1 hesabı ilə uduzduqları oyun barədə danışarkən deyib.
O, real qol şanslarından faydala bilmədiklərini bildirib: “Halbuki yaxaladığımız epizodları qola çevirsəydik, nəticə başqa cür ola bilərdi. Ümumilikdə bərabər oyun getdi. Ani diqqətsizlikdən qapımızda qol buraxdıq. İstəməzdik uduzaq. Nəzərə almaq lazımdır ki, yeni komandayıq. Qarşıda 34 tur var. İnanıram ki, növbəti matçlarda daha yaxşı çıxış edəcəyik”.
29 yaşlı futbolçu növbəti turda “Qarabağ”a qarşı keçirəcəkləri matçdan da söz açıb: “Qarabağ”ın heyəti genişdir. Usta futbolçuları var. Həftəarası avrokubok matçına çıxmaları ciddi mənada nəyisə dəyişməyəcək. İstənilən halda “Qarabağ” nə qədər güclü olsa da, yaxşı nəticə qazanmağa çalışacağıq. Bu, həm də yeni mövsümdə Şamaxıdakı ilk matçımız olacaq. Azarkeşləri sevindirmək üçün əlimizdən gələni edəcəyik”.
Öz çıxışını dəyərləndirən A.Nağıyev bildirib ki, "Araz-Naxçıvan"la matçın əvvəlində aldığı sarı vərəqə oyununa təsir göstərib: “Təbii ki, matçın əvvəlində aldığım sarı vərəqə məni ehtiyatlı oynamağa vadar edirdi. Bacardığım qədər diqqətli olmağa çalışdım. İstəmirdim ki, qırmızı vərəqə almaqla komandamı pis vəziyyətdə qoyum. Ona görə də 15-ci dəqiqədən sonra ehtiyatlı oynadım. Hələ ki formamı tam bərpa etməmişəm. Turlar keçdikcə daha yaxşı oynayacağam. Əlimdən gələni edəcəyəm ki, komandama faydalı olum”.
Avropa Liqasının ağası
DÇ-2026-nın reklam çarxında yer aldı, azarkeşlər qınadı
Premyer Liqanın ən gənc çempionu oldu
Dembele "Arsenal"a qarşı oynayacaq
Kukurella "Çelsi"dən gedəcək?
"Arsenal" Artetaya yüksək maaş təklif edə bilər
Millinin təlim-məşq toplanışı ləğv edildi
Mourinyo Vinisiusla bağlı nə düşünür?
"Arsenal" çempionluq paradı keçirəcək
Türkiyə kubokunda finalın hakimləri açıqlandı
Son üç mövsümün bombardirləri kimlərdir?
UEFA milli komandalar üçün yeni format müəyyənləşdirdi
Meydanı özbaşına tərk edən bölgə klubu cəzalandırıldı
1-ci liqanın çempionu cərimələndi
AFFA-dan "Sabah" və "Neftçi"yə cəza
“İmişli”də yeni müqavilə
Son üç mövsümün 10 bombardiri
11 illik dövrün sonu
