13:07
“İnanılmaz hisslər keçirirəm. Heç vaxt inanmazdım ki, 10 qat ölkə çempionu olacam”.
QOL.az saytına açıqlamasında bu sözləri “Qarabağ”ın müdafiəçisi Bədavi Hüseynov deyib.
Ağdam klubunun çempionluğunu şərh edən təcrübəli futbolçu “Qarabağ”ın tarixinin bir parçası olmaqdan qürur duyduğunu bildirib: “Hər çempionluq daha qiymətli olur. Xüsusən də sən karyeranın sonuna yaxınlaşırsansa. Çünki düşünürsən ki, bu, sənin üçün sonuncu çempionluq ola bilər. “Qarabağ”ın, bu tarixin bir hissəsi olmaqdan qürur duyuram. Dayanmaq istəmirəm. Hələ də özümdə güc hiss edirəm. Bu mövsüm biz sübut etdik ki, böyük klublara qarşı oynaya bilərik. Daha da inkişaf etmək, gələcəkdə azarkeşlərimizi daha da çox sevindirmək istəyirik”.
33 yaşlı futbolçu “Qarabağ”ın qazandığı uğurların səbəbini belə izah edib: “Bütün bunlar bizim baş məşqçimizin əməyidir. Sona 8 tur qalmış çempionluğumuzu təmin etsək də, Qurban Qurbanov bizdən yenə də dayanmamağı, daha da yaxşı olmağı, inkişaf etməyi, formada qalmağımızı istəyirdi. Çünki azca arxayınlaşan kimi rəqiblər bundan istifadə edir. Sonradan yenidən toparlanmaq heç də asan olmur. Buna görə də bütün bunlar ilk növbədə məşqçilər korpusumuzun əməyidir. Özünüz də görürsünüz ki, bu gün “Qarabağ”da bütün oyunçular inkişaf edir, hamı qol vurur”.
B.Hüseynov iyunun 2-də “Zirə”yə qarşı keçiriləcək ölkə kubokunun finalından da söz açıb: “Rəşad Sadıqov əla komanda formalaşdırıb. “Zirə” bu mövsüm ən az qol buraxan kollektivlərdən biridir. Onlara qarşı oynamaq çətindir. Çünki həm bizi yaxşı tanıyırlar, həm də etibarlı müdafiə olunmağı bacarırlar”.
“Qarabağ”ın müdafiəçisi finalda şansların bərabər olduğunu qeyd edib: “Şanslar 50-nin 50-yədir. Final cəmi 1 görüşdən ibarətdir. Matça çox ciddi yanaşmalıyıq. Çünki “qızıl dubl” etmək istəyirik”.
Bədavi Hüseynov vurğulayıb ki, yeni mövsümdən avrokubokların formatı dəyişsə də, “Qarabağ” üçün heç nə dəyişməyib: “Çünki yenə də qrupa düşmək üçün 4 mərhələ ("Real" ÇL-in finalında "Borussiya"ya qalib gəlsə, 3 mərhələ - red.) adlamaq lazımdır. Çempionlar Liqasındakı kollektivlərin çoxu tanış rəqiblərdir. Hər oyun həlledici ola bilər. Səhv etməyə ixtiyarımız yoxdur. İndi yalnız təsnifat mərhələsi barədə düşünürük. Formatı dəyişən qrup mərhələsi barədə isə yalnız ora vəsiqə qazandıqdan sonra danışa bilərik”.
"Real"ın şikayəti rədd edildi
"Mingəçevir" "Cəbrayıl"a belə qalib gəldi - Video
“Qarabağ” UEFA reytinqində irəlilədi
4 qol vuruldu, "Mingəçevir" qalib gəldi
"Benfika" Mourinyo ilə danışıqlarda irəlilədi
“Mançester Siti" mənim yeganə seçimim idi”
2-ci liqada oyunların vaxtı açıqlandı
"Qalatasaray"da ciddi itki
AFFA-dan "Neftçi"yə rədd cavabı
Elxan Səmədovdan "Qarabağ"a təbrik
Azərbaycan kubokunun püşkü atıldı
Azərbaycan kubokunun finalı bu stadionda
Aleksander-Arnoldun durumu açıqlandı
Alleqri cəzalandırıldı
“Real” Çempionlar Liqasının tarixinə düşdü
Qol vurandan bir neçə dəqiqə sonra vəfat etdi
0:2 uduzarkən "Qarabağ"ın qələbə əmsalı 76 olub!
"Benfika"nı da gətirin qoyaq Qənimətlər Parkına
Kamilo Duran: "Hesabda geri düşsək də, təslim olmadıq"
"Qarabağ" çox bir şey etmədi" - "Benfika"nın futbolçusu
Prezident “Qarabağ”ı təbrik etdi
Yankoviçin durumu necədir?
"Arsenal" "Atletik"ə belə qalib gəldi - Video
"Qarabağ"ın Lissabondakı möhtəşəm geridönüşü - Video
Tahir Gözel: “Bu qələbəni cənab İlham Əliyevə həsr edirik”
“Qarabağ”a məğlubiyyətdən sonra istefaya göndərildi
AFFA prezidentindən “Qarabağ”a təbrik
Qurban Qurbanovdan tarixi qələbəyə reaksiya
