Azərbaycanın 2 boksçusu finala vəsiqə qazandı

Azərbaycanın 2 boksçusu finala vəsiqə qazandı
BOKS 17 May 2024 / 10:15 1705
-  A +

Macarıstanda Eqer şəhərində gənc boksçular arasında beynəlxalq turnirdə yarımfinal mərhələsinə yekun vurulub.

QOL.az Azərbaycanın Boks Federasiyasına istinadən xəbər verir ki, finala gedən yolda Azərbaycan millisinin 2 idmançısı da mübarizə aparıb.

60 kq-da Tağı Nəsibov yerli Daniel Frankla qarşılaşıb. Hər 3 raundu xeyrinə bitirən boksçu 5:0 (30:26, 30:26, 30:26, 29:27, 30:26) hesabı ilə qələbə qazanaraq finala yüksəlib. O, həlledici görüşdə özbəkistanlı Abdulaziz Jurakulovla üz-üzə gələcək.

Abbasqulu Şadlinski (71 kq) də komanda yoldaşının uğurunu təkrarlayıb. O, yarımfinalda Rastislav Aniskodan (Slovakiya) güclü olub – 5:0 (29:27, 29:28, 29:28, 29:28, 29:28). Şadlinski finalda Arpad Jamborla (Macarıstan) qarşılaşacaq.

Qeyd edək ki, finallar bu gün keçiriləcək.

Daha çox


Son xəbərlər
22.06.24  13:45

Polis azarkeşi döydü