17:54
“Qarabağ”ın futbolçusu Bəhlul Mustafazadə Misli Premyer Liqasının 25-ci turunda “Neftçi”yə 4:1 hesabı ilə qalib gəldikləri oyundan sonra jurnalistlərə açıqlama verib.
QOL.az xəbər verir ki, müdafiəçi əvvəlcə oyun haqda təəssüratları ilə bölüşüb: "Düşünürəm, bütün tamaşaçılar üçün maraqlı oyun oldu. Hesab onların da xeyirinə bitə bilərdi, amma biz daha diqqətli olduq və vacib oyundan qabaq qələbə qazandıq".
O, "Neftçi" ilə matçın çətin keçdiyini qeyd edib: "Gərginlik var idi. Onlar da ikinci qolu vurub hesabı bərabərləşdirə bilərdilər. Rəqibi əks hücumlarda yaxaladıq və 3-cü, 4-cü qolları vurduq. Düşünürəm, bərabər səviyyəli oyun keçdi, lakin biz əlimizə düşən fürsətləri daha yaxşı dəyərləndirdik".
B.Mustafazadə "Neftçi" ilə matçın Avropa liqasının 1/8 final mərhələsində "Bayer"lə oyuna müsbət təsir edəcəyini bildirib: "Bayer"lə görüşdən öncə belə bir oyuna, derbiyə çıxmaq çox önəmli idi. Düşünürəm, yaxşı mübarizə apardıq, amma bəzi səhvlərimiz var idi ki, onları analiz edib "Bayer"lə oyundan əvvəl aradan qaldırmağı çalışacağıq".
27 yaşlı müdafiəçi "çempionat cədvəlində böyük fərqlə 1-ci yerdə olduqlarından sonra növbəti oyunlara motivasiyanı necə tapacaqsınız" sualına belə cavab verib: "Onu Qurban müəllim daha yaxşı bilir. O, bizə daha yaxşı motivasiya verə bilir. Heç bir şeydən asılı olmayaraq, bütün oyunlara daha diqqətli, daha yaxşı çıxmağımızı və öz idman formamızı qorumağı tapşırır. Düşünürəm ki, bundan sonra da motivasiya tapacağıq".
O, "Bayer"i bu görüşdən sonra daha da yaxından analiz edəcəklərini bildirib: "Fərdi olaraq bütün oyunçular imkan tapdıqda izləyirlər. Ümumiyyətlə isə onlar bizə tanışdırlar. Bu oyundan sonra hazırlıq mərhələsində daha yaxından tanış olacağıq. Məşqçilər rəqib haqda daha çox məlumat verəcəklər".
"Qarabağ"ın müdafiəçisi "Bayer"lə qrup mərhələsindəki oyundan sonra hər iki komandanın gücləndiyini bildirib: "Düşünürəm ki, daha yaxşı olublar. Biz də daha çox inkişaf etmişik. Hesab edirəm, bizi daha maraqlı və daha gərgin oyun gözləyir".
“Fiziki çatışmazlıqlar var, qış fasiləsində mütləq güclənməliyik” - "Karvan-Yevlax"ın məşqçisi
"Fənərbaxça"dan heç-heçə
Alonso Mbappe və Ronaldonu müqayisə etdi
"Zirə" - "Qarabağ" matçından - Video
“Bavariya” “Ştutqart”ı darmadağın etdi
Ərəblər “Real”ın futbolçusu üçün hərəkətə keçdi
“Lill” gənc ulduzu ilə müqaviləni yenilədi
“Qarabağ” - “Ayaks” matçını yayımlayacaq kanal dəyişdi
“Vilyarreal”dan doğma meydanda qələbə
"Qarabağ"la matçda qazanılan xal dəyərlidir" - Rəşad Sadıqov
“Oyunçular emosional davrana bilər, amma əsəblərini cilovlamalıdırlar” - Qurban Qurbanov
“Aston Villa” son dəqiqə qolu ilə qalib gəldi
“Zirə” “Qarabağ”la bərabərə qaldı
Mərc qalmaqalı səbəbindən matç təxirə salındı
Münhen klubu Şlotterbek iddialarına aydınlıq gətirdi
İtaliya nəhəngləri gənc müdafiəçi üçün səfərbər oldu
"Zirə" - "Qarabağ": Heyətlər
Alba karyerasının sonuncu oyununa çıxır
