18:52
“Prinsipial oyun idi. “Neftçi” ilə matçlarımız həmişə maraqlı keçir. Bu qarşılaşma da istisna olmadı”.
QOL.az saytına açıqlamasında bu sözləri “Qarabağ”ın kapitanı Bədavi Hüseynov deyib.
Təcrübəli müdafiəçi Misli Premyer Liqasının 25-ci turunda “Neftçi” üzərində qazanılan 4:1 hesablı qələbəni belə şərh edib: “İlk hissə tam istədiyimiz kimi keçmədi. Amma fasilədən sonra oyun daha gərgin idi. Çoxlu hücum edirdik. Hesabda önə keçdikdən sonra daha açıq oyun getdi. Yekunda qalib gəldik. Artıq “Bayer”lə oyunu düşünməliyik. Bugünkü görüş həmin matçdan öncə yaxşı təcrübə idi”.
B.Hüseynov matçın taleyini vurduqları 3-cü qolun həll etdiyini qeyd edib: “Neftçi” fərqi azaltdıqdan sonra təzyiqi daha da artırdı. Hesab 1:2 olanda onlar ard-arda təhlükəli künc zərbələri yerinə yetirirdilər. Buna görə də sona kimi matç çox gərgin alındı. Arxayınlaşmadıq, sona qədər mübarizə apardıq. Vurduğumuz üçüncü qol həlledici oldu”.
O, 25 turdan sonra ikinci pillədəki "Səbail"dən 23 xal öndə olmalarına belə münasibət bildirib: “Bəli, fərq çoxdur. Amma arxayınlaşmaq olmaz. Avropada da çıxışımızı davam etdiririk. Eləcə də ölkə kuboku var. Hər matça maksimum dərəcədə köklənmək lazımdır”.
B.Hüseynov “Bayer”lə görüşdə uğurlu nəticə qazanmaq istədiklərini söyləyib: “Rəqib çox güclüdür. 30-dan çox oyundur ki, uduzmurlar. Daha əvvəl də onlara qarşı oynamışıq. Artıq “Bayer” bizim üçün tanış rəqibdir. Üstün tərəflərini bilirik. Əlimizdən gələni edəcəyik. Rəqibə layiqli müqavimət göstərməliyik. Vuruşacağıq, bütün gücümüzü meydanda qoymalıyıq”.
“Qarabağ”ın müdafiəçisi “Bayer” ilk məğlubiyyətini Bakıda ala bilərmi?” sualını belə cavablandırıb: “Niyə də yox? Bütün fikrimizi yalnız qələbəyə yönəltmişik”.
Ronaldo, Messi, Ramos...
Xabi "yeni Kroos" tapdı
Konte şikayətləndi
"Döyüşkən komandaya qarşı oynadıq" - Valdas Dambrauskas
"Sabah" "Qəbələ"ni belə məğlub etdi - Video
"Oyunumuz var, nəticə mütləq gələcək" - Kaxaber Sxadadze
“Traktor”dan ÇL-də növbəti qələbə
"Sabah" "Qəbələ"yə qalib gəldi
Pioli "Fiorentina"dan göndərilir
Sadıq Sadıqov istefa verdi
"Liverpul" "Real"la oyuna ciddi itki ilə çıxacaq
