Əliyar Ağayevin karyerasında tarixi gün

Əliyar Ağayevin karyerasında tarixi gün
ÖLKƏ FUTBOLU 13 Dekabr 2023 / 11:55 6236
-  A +

Bu gün Çempionlar Liqasında qrup mərhələsinə yekun vurulacaq.

Qol.az xəbər verir ki, son tur Azərbaycan futbolu üçün də əlamətdar olacaq. Azərbaycanlı FİFA referisi Əliyar Ağayev Belqraddakı "Rayko Mitiç" adına stadionda keçiriləcək "Srvena Zvezda" (Serbiya) - "Mançester Siti" (İngiltərə) oyununu idarə edəcək. Ona həmyerliləri Zeynal Zeynalov, Akif Əmirəli və Elçin Məsiyev (dördüncü hakim) kömək edəcəklər. Qarşılaşmanın VAR hakimi isə qardaş Türkiyədən Alper Ulusoy, AVAR hakimi isə Abdulkadir Bitigen (Türkiyə) olacaq. 

Oyun Bakı vaxtı ilə saat 21:54-də başlanacaq və "CBC Sport" kanalı vasitəsi ilə canlı yayımlanacaq.

Qeyd edək ki, "Mançester Siti" 5 oyundan 15 xalla qrup lideri kimi 1/8 finala vəsiqəni təmin edib. "Srvena Zvezda"nın isə cəmi 1 xalı var və bu gün hətta qələbə qazansa belə, sonuncu yeri tərk etməyək qrupda qalacaq. Oyun formal xarakter daşısa da, həm Ə.Ağayev və köməkçiləri, həm də Azərbaycan futbolu üçün tarixi məqamla yadda qalacaq. Çünki müstəqilliyimizi bərpa etdikdən sonra ilk dəfə azərbaycanlı hakim Çempionlar Liqasının hazırkı qalibinin ("Mançester Siti") iştirakı ilə keçirilən matçı idarə edəcək. 

Ümumilikdə isə bu, Əliyar Ağayevin ÇL-in qrup mərhələsində 2-ci təyinatıdır. O, ötən ilin oktyabr ayında “Kopenhagen” (Danimarka) – “Borussiya” (Dortmund, Almaniya) oyununu (1:1) da idarə edib. 

Daha çox


Son xəbərlər
22.02.26  14:11

Musiala rekordçu oldu

topaz banner