Kevin Medinanın əməliyyat olunacağı ölkə və hospital…

Kevin Medinanın əməliyyat olunacağı ölkə və hospital…
ÖLKƏ FUTBOLU 6 Dekabr 2023 / 18:19 7772
-  A +

"Qarabağ"ın zədəli futbolçusu Kevin Medina dekabrın 12-də əməliyyat olunacaq.

Bu barədə QOL.az-a Ağdam təmsilçisinin mətbuat xidmətinin rəhbəri Anar Hacıyev məlumat verib. O deyib ki, əməliyyat Finlandiyanın Turku şəhərinin "Pihlahalinna" hospitalında olacaq. Klub rəsmisi bildirib ki, bu hospital kolumbiyalı müdafiəçinin zədəsi ilə bağlı əməliyyatları yerinə yetirən Avropanın və dünyanın ən yaxşı xəstəxanalarından biri hesab edilir:

"Buna görə də bu xəstəxana seçilib. Dünyanın bir çox məşhur klubları belə zədələrdə məhz bura müraciət edirlər. PSJ, "Real" kimi Avropa klubları bu cür zədələrdə sözügedən hospitalda əməliyyat etdirirlər".

Qeyd edək ki, Avropa Liqasının qrup mərhələsinin 5-ci turunda "Molde"yə qarşı səfər matçında (2:2) zədələnən Kevin Medinaya sağ bud tendom vətərinin qopması diaqnozu qoyulub. Əməliyyat olunduqdan sonra onun təqribən 3 aya yaxın yaşıl meydanlardan uzaq qalacağı gözlənilir.

Daha çox


Son xəbərlər
03.03.24  20:18

Avro-2024-ü buraxacaq