"Mançester Yunayted"in futbolçularının yarısı Ten Haqdan narazıdırlar

"Mançester Yunayted"in futbolçularının yarısı Ten Haqdan narazıdırlar
DÜNYA FUTBOLU 5 Dekabr 2023 / 14:46 1986
-  A +

"Mançester Yunayted"in futbolçularının yarısı baş məşqçi Erik Ten Haqdan narazıdırlar.

QOL.az "Sky Sports"a istinadən xəbər verir ki, İngiltərə Premyer Liqasında “Nyukasl”la matçda (0:1) mövsümün 10-cu məğlubiyyətindən sonra futbolçular komandanın oyun tərzindən və məşq prosesindən, həmçinin baş məşqçinin Ceydon Sanço ilə uzun sürən münaqişəsindən narazılıqlarını bildiriblər.

Bəzi futbolçular niyə belə intensiv məşq etdiklərini və çox qaçdıqlarını başa düşmürlər. Qeyd olunur ki, “Mançester Yunayted”in ən təcrübəli təmsilçiləri vəziyyətlə bağlı fikirlərini Ten Haqa bildiriblər. Onun komandanı daha yaxşı idarə edə, daha çevik ola biləcəyini qeyd ediblər. Bununla belə, bəzi oyunçular mütəxəssis çox inadkar və robot hesab edirlər.

Bundan başqa, “Mançester Yunayted”in futbolçuları əsas komandadan ayrı məşq etmək məcburiyyətində qalan Sançonun cəzalanmasından narahatdırlar. Ceydon avqust ayından bəri oynamır, çünki o, Ten Haqdan üzr istəməkdən imtina edir.

Qeyd edək ki, "Mançester Yunayted" İngiltərə Premyer Liqasında 24 xalla 7-ci pillədə qərarlaşıb.


Son xəbərlər
20.02.24  19:58

Bundesliqada antirekord