15:08
"Qarabağ"ın bu mövsüm diqqət mərkəzində olan bir futbolçusu da Juninyodur.
27 yaşlı hücumçu bu ilin yayında Portuqaliyanın yüksək liqa təmsilçisi "Şaviş"dən transfer olunub. O, bu mövsüm üçün Ağdam klubunun bombardiridir. Juninyo bütün turnirlərdə keçirdiyi 25 oyunda 14 qol vurub. Olavio həmçinin 11 qolla (15 matç) Misli Premyer Liqasında bombardirlər siyahısına başçılıq edir.
Braziliyalı futbolçunun Avropa Liqasının qrup mərhələsində "Qarabağ"a faydası az dəyməyib - bu yarışda iki dəfə rəqib qapısına yol tapıb. "Hekken"lə İsveçdəki səfər matçında (1:0) komandasının yeganə qolunun müəllifi olub. Onun "Molde" ilə Norveçdəki son qarşılaşmada (2:2) fərdi ustalığı sayəsində vurduğu qol da qeyd edilməlidir.
Ümumən Juninyonun "Qarabağ"da bugünə qədərki çıxışını qənaətbəxş hesab etmək olar. Bu futbolçu qollar vurmaqla yanaşı, hücum xəttindəki fəallığı, mübarizə əzmi ilə də seçilir. Bununla belə, ondan gözləntilər də çoxdur.
Məsələn, "Qarabağ"ın baş məşqçisi Qurban Qurbanov hesab edir ki, Juninyo komandasına daha çox fayda verə bilər. Təcrübəli mütəxəssis qeyd edir ki, Juninyonun indiki çıxışı pis olmasa da, öz üzərində bundan sonra da işləməlidir. Ağdam klubunun baş məşqçisi dünən "Qəbələ" ilə Premyer Liqanın 15-ci tur matçından sonra təşkil olunan mətbuat konfransında braziliyanın çıxışı ilə bağlı sualı da cavablandırıb. Yeri gəlmişkən, 3:0 hesabı ilə başa çatan bu görüşdə qonaq komandanın qapısından sonuncu qolu da məhz Juninyo keçirdi.
Q.Qurbanov deyib ki, Juninyonun Azərbaycandakı çıxışı əvvəlki komandası "Şaviş"dən daha yaxşıdır.
"İki il öncə də onunla maraqlanmışdıq. Sadəcə transfer alınmamışdı. Amma o vaxtlar da oyununu izləyirdik. Əlimizdə imkan düşdü və bundan maksimum yararlana bildik. Son vaxtlar onun perfomansı pis deyil. Amma tam razı da deyiləm. Həm mən, həm də futbolçu daha yaxşı Juninyo görmək istəyirik".
Baş məşqçinin fikrincə, Juninyo öz üzərində işləməlidir: "Onun daha da yaxşılaşdırmalı olduğu çox element var. Amma ümumən kollektivə də, ölkəyə də uyğunlaşır. Mental olaraq da belədir". Q.Qurbanov deyir ki, Juninyonun statistikasında razı ola bilər: "Amma o, hələlik tam istədiyim Juninyo deyil".
Debütant “Şəfa”dan yeni mövsümdə ilk qol, ilk qələbə - Video
Rüfət oynadı, komandası uduzdu
“Zirə” və "Şəfa"dan qələbə
Azarkeşin halı pisləşdi, matç dayandırıldı
Debütant “Şəfa”dan yeni mövsümdə ilk qol, ilk qələbə - Video
“Bu heyətlə məqsədimizə çata bilərik” - Zaur Həşimov
"Tottenhem"in tarixinə düşdü
“Fənərbaxça”dan Taliska açıqlaması
“Zirə” - “İmişli” matçının heyətləri açıqlandı
“Belə meydanda istədiyimiz futbolu oynamaq çətindir”
“Ronaldo əsas heyətdə oynamamalıdır”
“Liverpul” “Real”ın hücumçusuna göz dikdi
Ayxan Abbasov Türkiyədə oyunu tribunadan izlədi - Şəkil
Acun Ilıcalının klubu “Mançester Yunayted”ə qalib gəldi
“Qəbələ” - “Şəfa”: Heyətlər
Kapitan olsa da, sarğı taxa bilməyəcək
"Arsenal"a qələbə üçün gəlmişəm"
Zlatan İbrahimoviç: “İndiki Zlatan başqadır”
“Liverpul” futbolçusunu icarəyə verdi
“Sabah”ın məşqçisi “Sabah”ın Ulduzları” haqda
“Çelsi” Joao Pedro ilə müqaviləni uzatdı
Bakı EuroVolley həyəcanını yaşayır
Ukrayna klubunun bazasına da raket atıldı - Şəkillər
Kriştiano Ronaldonun 977-ci qolu - Video
"Liverpul" 70 milyon avroluq təklif göndərdi
"Sevilya" Gürcüstan millisinin üzvünü transfer etdi
Almaniyada derbi oyununda xaos - Video
Messi cərimələndi
“Qarabağ”la oyuna başı dik getməliyik” - Daan Rots
