“Səbail”in ən böyükhesablı kubok qələbəsi

“Səbail”in ən böyükhesablı kubok qələbəsi
ÖLKƏ FUTBOLU 29 Noyabr 2023 / 13:11 1921
-  A +

“Səbail” tarixinin ən böyükhesablı kubok qələbəsini qazanıb.

QOL.az xəbər verir ki, Şahin Diniyevin komandası Azərbaycan kubokunun 2023/24 mövsümünün 2-ci təsnifat mərhələsində “Şəfa”nı 7:0 hesabı ilə məğlub edib.

Bu, həm də “Səbail”in tarixində bütün turnirlər nəzərə alınmaqla ən böyükhesablı səfər qələbəsinin təkrarıdır. Bakı klubu 1-ci divizionda oynadığı 2016/17 mövsümündə də rəqib meydanında 7 top fərqi ilə qalib gəlib.

2017-ci il fevralın 22-də “Səbail” “Göyəzən”lə səfər matçında indiki kimi 7 cavabsız qolla üstün olub. Həmin rekordu təxminən 6 il 9 aydan – 2470 gündən sonra təkrarlayan paytaxt təmsilçisi tarixinin üç ən böyükhesablı qələbəsindən birini bayram edib.

“Səbail” tarixinin ən böyükhesablı qalibiyyəti də 1-ci divizionda qeydə alınıb. Paytaxt klubu “Bakılı”nı 11:3 hesabı ilə məğlub edib. 2016-cı il noyabrın 24-dəki həmin rekord fərqin təkrarlanması üçün bir top çatmayıb.

Daha çox


Son xəbərlər
01.03.24  13:35

Sarri qovulur?

01.03.24  10:25

ETOPAZ 12 yaşında