"Qələbə üçün nəsə etməyə çalışacam" - Rəhman Hacıyev

"Qələbə üçün nəsə etməyə çalışacam" - Rəhman Hacıyev
ÖLKƏ FUTBOLU 28 Oktyabr 2023 / 14:08 2171
-  A +

"Komandada hər şey çox yaxşıdır. "Səbail"ə qarşı sonuncu matçda qələbə qazandıq. Bizi növbəti çətin qarşılaşma gözləyir".

QOL.az xəbər verir ki, bu sözləri "Neftçi"nin futbolçusu Rəhman Hacıyev Misli Premyer Liqasının 11-ci turunda "Sabah"a qarşı keçirəcəkləri oyunula bağlı klubun rəsmi televiziyasına açıqlamasında deyib.

O, ancaq qələbə haqda düşündüklərini bildirib: "Çox yaxşı hazırlaşırıq. Hər görüş vacibdir. Meydana 3 xal üçün çıxacağıq".

Hacıyev üç mövqedə çıxış edə bildiyini söyləyib: "Baş məşqçi harada şans versə, daha yaxşısını etməyə çalışıram. Məncə, oyunum sağ cinahda daha yaxşı alınır. Növbəti görüşdə iştirak etsəm, qələbə üçün nəsə etməyə çalışacağam".

O, "Sabah"ın üç gün əvvəl "Sumqayıt"la 2-ci turdan təxirə salınmış oyunda iştirak etməsinə toxunub: Biz belə şeyləri düşünmürük. Rəqib yorğun ola bilər. Amma biz öz oyunumuzu düşünməliyik və qələbə qazanmalıyıq".

Qeyd edək ki, oktyabrın 29-da "Neftçi Arena"da keçiriləcək "Neftçi" - "Sabah" matçı saat 18:30-da start götürəcək.

Daha çox


Son xəbərlər
topaz banner