Poqba ilə bağlı ilk qərar verildi

Poqba ilə bağlı ilk qərar verildi
DÜNYA FUTBOLU 12 Sentyabr 2023 / 09:40 4511
-  A +

"Yuventus"un yarımmüdafiəçisi Pol Poqba İtaliya A Seriyasının 1-ci tur matçından sonra verdiyi dopinq testinin müsbət çıxdığı üçün müvəqqəti diskvalifikasiya olunub.

Qol.az xəbər verir ki, bu barədə İtaliya Antidopinq Agentliyi məlumat yayıb. Müvəqqəti diskvalifikasiyanın araşdırma öncəsi bir tədbir olduğu vurğulanıb.

Paul Poqbanın testosteron səviyyəsinin çox yüksək olduğu müəyyən edilib. Bu, terapevtik istisnasız qəbul edilməməli olan bir maddədir. Beləliklə, Poqba maksimum 4 il diskvalifikasiya cəzası almaq riski daşıyır.

İtaliya çempionatının 2023/2024 mövsümünün 1-ci turunda "Yuventus" səfərdə "Udineze" ilə qarşılaşıb. Oyun Turin klubunun 3:0 hesablı qələbəsi ilə başa çatıb. Poqba sözügedən görüşdə sonadək ehtiyatda qalıb.

Fransız futbolçu 2022-ci ilin iyulunda "Mançester Yunayted"dən "Yuventus"a keçib. Bu müddət ərzində o, turinlilərin heyətində 12 oyuna çıxıb və 1 qol ötürməsi verib.


Son xəbərlər
23.08.25  14:24

Levandovski qayıtdı