Azərbaycan cüdoçusundan gümüş medal

Azərbaycan cüdoçusundan gümüş medal
CÜDO 30 İyul 2023 / 15:48 898
-  A +

Azərbaycanın daha bir cüdoçusu Çinin Çendu şəhərində keçirilən XXXI Ümumdünya Yay Universiadasında medal qazanıb.

Qol.az xəbər verir ki, Rəşid Məmmədəliyev (73 kq) mübarizəyə 1/8 final mərhələsindən başlayıb.

Bu mərhələdə idmançı ispaniyalı Aytor Alonsonu ipponla məğlub edib. Məmmədəliyev 1/4 finalda italyan Eduardo Mellanı yenib. Finala gedən yolda isə cüdoçumuz Monqolustandan olan Uranbayar Odgerelə qalib gəlib. Həlledici qarşılaşmada yapon Tatsuki İşiharaya məğlub olan Rəşid Məmmədəliyev Umiversiadanı gümüş medalla başa vurub.

Qeyd edək ki, daha əvvəl 66 kiloqram çəki dərəcəsində cüdoçumuz Yaşar Nəcəfov və qadınların yarışında 48 kiloqramda Leyla Əliyeva üçüncü yeri tutublar.

Daha çox


Son xəbərlər