Estoniya millisinin kapitanı: "Təəssüf ki, ikinci qolu vura bilmədik"

Estoniya millisinin kapitanı: "Təəssüf ki,  ikinci qolu vura bilmədik"
AVRO-2024 17 İyun 2023 / 23:06 2146
-  A +

"Bu gün biz də, Azərbaycan millisi də qələbə qazanmaq istəyirdi. Çünki hamımız bilirik ki, qrupdakı digər rəqiblər güclüdür".

Bunu Qol.az-a açıqlamasında Estoniya millisinin kapitanı Konstantin Vasilyev Avro-2024-ün seçmə mərhələsində millimizə qarşı keçirilən oyundan (1:1) sonra deyib.

38 yaşlı yarımmüdafiəçi ilk hissədə üstün olduqlarını bildirib: "Matça yaxşı başladıq. İlk hissədə üstün idik. Təəssüf ki, ikinci qolu vura bilmədik. Halbuki bunun üçün yaxşı şanslarımız var idi".

O, milimizin fasilədən sonra daha yaxşı təsir bağışladığını vurğulayıb: "İkinci hissədə fərqli alındı. Bilirdik ki, hesabda geri olduğu üçün Azərbaycan millisi taktiki dəyişiklik edəcək. Belə də oldu. Təəssüf ki, ikinci 45 dəqiqənin əvvəlində təzyiq altında idik. Rəqib üstünlüyə yiyələnərək hesabı bərabərləşdirdi. Standart epizoddan qol buraxmağımız məyusedicidir. Matçın sonu qarşılıqlı hücumlar şəratində keçdi. Hər iki komanda qələbə qazana bilərdi".


Son xəbərlər