20:34
“Hər iki komanda yaxşı oyun sərgilədi. Rəqibə müsbət nəticə əldə etməyə imkan vermədik. Uşaqların oyunundan məmnunuq. İkinci yeri təmin etməyimizə baxmayaraq, onların motivasiyası qaydasında idi”.
Qol.az xəbər verir ki, bu sözləri “Sabah”ın məşqçisi Artur Olenin Misli Premyer Liqasının 33-cü turunda “Kəpəz”i 3:0 hesabı ilə məğlub etdikləri oyundan sonra deyib.
Mütəxəssis komandasının 2:0-dan sonra arxayınlaşması barədə sualı belə cavablandırıb: “Arxayınlaşdığımızı deməzdim. Düzdür, bir qədər oyuna nəzarəti əldən verdik. Lakin sonradan etdiyimiz əvəzetmələrlə yenidən üstülüyü ələ aldıq. Meydana sonradan daxil olan futbolçular yaxşı çıxış etdilər”.
O, bu tur keçiriləcək “Qarabağ” - “Qəbələ” matçının komandası üçün nə dərəcədə əhəmiyyətli olması barədə bunları söyləyib: “Bizim üçün öz oyunlarımız vacibdir. Biz ilk növbədə matçlarımızı qələbə ilə başa vurmalıyıq. Rəqibin necə oynaması bizi o qədər də narahat etmir”.
A.Olenin “Kəpəz”lə matçda əsas heyət qapıçısı Yusif İmanovun ehtiyatda qalmasına da toxunub: “Fürsət olduqca digər oyunçular da şans verməyə çalışırıq. Ona görə də bu gün qapıda Nicat Mehbalıyev dayanmışdı. O, qapısını toxunulmaz saxladı. 2-3 epizodda qurtarışları ilə seçildi. Nicatın oyunundan məmnunuq”.
“Sabah”ın məşqçisi “Beşiktaş”a keçiriləcək xeyriyyə görüşü barədə bunları bildirib: “Bu görüş mövsümün sonuna təsadüf etsə də, “Beşiktaş”ın adı motivasiyadır. Həmin görüşdə bacardığımızın ən yaxşısını ortaya qoymağa çalışacağıq. Əlimizdən gələni edəcəyik ki, inamlı çıxış edək”.
Xatırladaq ki, “Sabah”ın baş məşqçisi Murad Musayev cəzalı olduğu üçün mətbuat konfransında onu köməkçisi əvəzləyib.
Atasının yolu ilə
Messi daha bir rekordun astanasında
Millinin heyətindən kənarda qaldı
“Qalatasaray”dan Okan Burukla bağlı açıqlama
Yalnız Ronaldodan geri qalır
“Turan Tovuz” - “Fənərbaxça” matçının vaxtı bəlli oldu
“Sabah”ın ÇL oyunları üçün vahid biletlər satışa çıxarıldı
2-ci liqada 4-cü tura yekun vuruldu
La Liqa derbisinin hakimi cəzalandırıla bilər
Peyvənd sertifikatını saxtalaşdırdı, millidən kənarda qaldı
Azərbaycan U-20 millisi “Qəbələ” ilə heç-heçə etdi
"Neftçi"nin legioneri Argentina ilə oyuna çağırıldı
Azərbaycan çempionatının adı dəyişdi - Şəkillər
