Üç yunan-Roma güləşçimiz finalda, biri üçün bürünc medal şansı

Üç yunan-Roma güləşçimiz finalda, biri üçün bürünc medal şansı
GÜLƏŞ 21 Aprel 2023 / 19:56 2551
-  A +

Xorvatiyanın paytaxtı Zaqrebdə davam edən Avropa çempionatında bu gün yunan-Roma güləşi üzrə mübarizəyə start verilib.

Qol.az xəbər verir ki, ilk gündə Azərbaycanın 5 idmançısı yarışıb.

Eldəniz Əzizli (55 kq) 1/4 finalda Stefan Qriqorova (Bolqarıstan), yarımfinalda Denis Mihaya (Rumıniya) qalib gələrək finala yüksəlib.

Taleh Məmmədov (63 kq) 1/4 finalda Yakopo Sandronu (İtaliya), yarımfinalda Qraçya Poqosyanu (Ermənistan) məğlub edərək finala adını yazdırıb.

Sabah Şəriəti  (130 kq) 1/8 finalda Dariuş Vitekdən (Macarıstan), 1/4 finalda Alin Kiurariudan (Rumıniya) üstün olub. Onun yarımfinaldakı rəqibi Yakobi Kajaya (Gürcüstan) olub. Güləşçimiz sonuncu xal (1:1) prinsipinə əsasən qalib gələrək Avropa çempionatının finalına çıxıb.

İslam Abbasov (87 kq) ardıcıl olaraq Turpal Maqamadov (Fransa) və Daniel Erreronu (İspaniya) məğlub edib. O, 1/4 finalda Ali Cengizə məğlub olub.  Ali Cengiz (Türkiyə) finala yüsəldiyindən, Azərbaycan təmsilçisi təsəlliverici görüşdə iştirak hüququ əldə edib.

Sənan Süleymanovun (77 kq) yarışı medalsız başa vurub. İdmançının 1/8 finalda uduzduğu Joltan Levayın (Macarıstan) finala adlaya bilməyib.

Daha çox


Son xəbərlər