Üç güləşçimiz Avropa çempionatının finalında - Yenilənib-4

Üç güləşçimiz Avropa çempionatının finalında - Yenilənib-4
GÜLƏŞ 17 Aprel 2023 / 22:05 7391
-  A +

Azərbaycanın daha bir sərbəst güləşçisi Xorvatiyanın paytaxtı Zaqrebdə keçirilən Avropa çempionatında finala yüksəlib.

Qol.az xəbər verir ki, 97 kq çəki dərəcəsində çıxış edən Maqomedxan Maqomedov yarımfinalda Vladislav Baytsayevi (Macarıstan) məğlub edib. O, həlledici dueldə Givi Matçaraşvili ilə (Gürcüstan) qarşılaşacaq. 

Səbuhi Əmiraslanov (79 kq) yarımfinalda Vasili Mixaylova (Ukrayna) məğlub olub. O, bürünc medal üçün yarışacaq.

Əli Rəhimzadə (65 kq) isə təsəlliverici qarşılaşmaya çıxacaq. 

Qeyd edək ki, daha əvvəl Əliabbas Rzazadə (57 kq) və Hacı Əliyev (70 kq) də qızıl medal uğrunda görüşə vəsiqə qazanıblar. Medal qarşılaşmaları sabah keçiriləcək. 

*          *           *

Azərbaycanın iki sərbəst güləşçisi Xorvatiyanın paytaxtı Zaqrebdə keçirilən Avropa çempionatında finala yüksəlib.

Qol.az xəbər verir ki, 70 kq çəki dərəcəsində çıxış edən Hacı Əliyev yarımfinalda Vasile Diakona (Moldova) qalib gəlib. 

Əliabbas Rzazadə (57 kq) isə yarımfinalda Simeone Piroddunu (İtaliya) məğlub edib. 

Bu gün həmçinin, Səbuhi Əmiraslanov (79 kq) və Maqomedxan Maqomedov (97 kq) da yarımfinal görüşünə çıxacaqlar.

*         *         *

Bu gün Xorvatiyanın paytaxtı Zaqrebdə güləş üzrə Avropa çempionatı start götürüb.

Qol.az xəbər verir ki, yarışın ilk 3 günündə sərbəst güləşçilər mübarizə aparır. 

Bu gün Azərbaycanın 5 güləşçisi mübarizəyə başlayıb. Yarışa 1/4 finaldan qoşulan Əliabbas Rzazadə (57 kq) almaniyalı Horst Lerə "tuş"la qalib gəlib. Pəhləvanımız yarımfinalda italiyalı Simyone Piroddu ilə qarşılaşacaq.

Əli Rəhimzadə (65 kq) 1/8 finalda albaniyalı İslam Dudayevi mübarizədən kənarlaşdırıb - 5:2. Ancaq 1/4 finalda ermənistanlı Vazgen Tevanyana uduzub - 1:4.

Hacı Əliyev (70 kq) təsnifat mərhələsində italiyalı Canluka Talamoya tam üstünlüklə qalib gəlib - 12:1. Titullu güləşçimiz 1/4 finalda almaniyalı Kevin Henkelə gücünü göstərib - 4:0. Millinin kapitanı yarımfinalda moldovalı Vasile Diakonla üz-üzə gələcək.

Səbuhi Əmiraslanov (79 kq) 1/8 finalda İman Mahdavini (UWW) 3:0 hesabıyla üstələyib. Həmyerlimiz 1/4 finalda gürcüstanlı Vladimeri Qamkrelidzeyə qalib gəlib - 10:0. Avropa çempionatının debütantı yarımfinalda ukraynalı Vasili Mixaylovla güləşəcək. 

Maqomedxan Maqomedov (97 kq) 1/8 finalda italiyalı Benjamin Honisi vaxtından əvvəl məğlub edib - 12:1. Təmsilçimiz 1/4 finalda isveçrəli Samuel Şerrə də qalib gəlib - 11:0. Maqomedov yarımfinalda ötən il Avropa çempionatının finalında məğlub etdiyi Vladislav Baytsayevlə (Macarıstan) qarşılaşacaq.

Qeyd edək ki, Avropa çempionatı aprelin 23-də başa çatacaq.

Daha çox


Son xəbərlər
28.03.24  10:55

Qrizmann qayıtdı