“Turan Tovuz”un baş məşqçisi Ayxan Abbasov Misli Premyer Liqasının 28-ci turunda evdə “Sumqayıt”a 2:3 hesabı ilə uduzduqları matç barədə danışıb.
Qol.az xəbər verir ki, o, oyundan sonra keçirilən mətbuat konfransında komandasının müəyyən səhvlərə yol verdiyini bildirib:
“Təbii ki, nəticəyə görə üzgünəm. Oyuna tam başqa cür hazırlaşmışdıq. Bu gün istəmədiyimiz hallarla üzləşdik. İstər oyun baxımından, istərsə də zədə. Rəqib də bu gün çox istəkli idi. Bununla belə, daha diqqətli oynamalı idik. Xüsusən də ikinci hissədə. Buraxılan səhvlər rəqibin hesabda önə keçməsi ilə yekunlaşdı. Ondan sonra müəyyən dəyişikliklər etsək də, “Sumqayıt” yaxşı müdafiə olundu. Yekunda uduzduq. Xüsusən də öz meydanımızda məğlub olmaq bizi çox üzür. Artıq qarşıdakı oyunlara hazırlaşmalıyıq”.
Ayxan Abbasov Premyer Liqada yaranan fasilənin “Turan Tovuz”a müsbət təsir etmədiyini vurğulayıb: “Çempionatda yaranan fasilə komandaya yaxşı da təsir edə bilər, pis də. Lakin görünən budur ki, bizə pis təsir edib. Məsələn, Veysəl Rzayev U-21-in heyətində zədələndi. Halbuki bu gün o, meydanın mərkəzində komandamıza çox kömək edə bilərdi”.
Mütəxəsəssis ikinci hissədə komandasına müdafiə olunmaq göstərişi vermədiyini qeyd edib: “İnanmıram ki, hansısa məşqçi komandasına künc zərbəsi qazanmamaq, yaxud hücum etməmək tapşırığı versin. Sadəcə ikinci hissədə daha əvvəl də dediyim kimi, istəmədiyimiz məqamlarla üzləşdik. Rəqib də fərqli sistemlə oynadı. Fasilədən sonra hücuma keçməkdə çətinlik çəkməyimiz rəqibin üstünlüyündən irəli gəlirdi”.
“Turan Tovuz”un çalışdırıcısı Ayxan Quseynovun ehtiyatda qalmasının taktiki gediş olduğunui bildirib: “Bu gün 3 hücumçu ilə oynayırdıq. Ayxan da sırf taktiki gedişə görə start heyətində yer almamışdı. Ondan ikinci hissədə faydalanmağı planlaşdırırdıq. Sıx qrafikdə oynayırıq. Ona görə də növbəti matçlarda da heyətdə rotasiya etməyimiz mümkündür”.
Abbasov komandasında arxayınlıq olmadığını vurğulayıb: “Xeyr, hər hansı arxayınlıqdan söhbət gedə bilməz. Çünki Premyer Liqada yerimizi hələ təmin etməmişik. Baxmayaraq ki, hazırda altıncı pillədəyik. Riyazi hesablamalara görə, hər şey mümkündür. 9 tur 27 xal edir. Premyer Liqada yerimizi təmin etsək belə, oyunlara qeyri-ciddi yanaşmalıyıq deyə bir şey yoxdur. Çünki hər oyun üçün mükafat ayrılır və futbolçular da həmin mükafatı qazanmaq üçün çalışırlar. Bizim ən böyük çətinliyimiz stabilliyin olmamasıdır”.
Ayxan Abbasov mətbuat konfransında məyus görünməsinin keçmiş klubu “Sumqayıt”a uduzmaqla əlaqəli olmadığını bildirib: “Sumqayıt” keçmiş klubum olub. Amma məyus görünməyimin səbəbi odur ki, bu dəqiqə başımda çox fikir var. Məğlubiyyət, zədəlilər, bəzi futbolçuların bu gün gözlədiyimizdən zəif çıxış etməsi və sair”.
O, zədələnən Piruzi Marakvelidzenin durumunun ciddi olduğunu deyib: “Təəssüf ki, zədəsi ciddiyə oxşayır. Dartılma var. Yəqin ki, 2-3 həftə komandaya kömək edə bilməyəcək”.
Mütəxəssis kapitan Şəhriyar Əliyevin matçın gedişində yol verdiyi kobud səhvdən də danışıb: “O səhvi nəinki Şəhriyara, heç bir futbolçuya yaraşdırmıram. Belə oyunlarda rəqibə epizod verməməliyik. Ani diqqətsizlik oldu. Çalışmaq lazımdır ki, təkrarlanmasın. Digər tərəfdən qapıçı və müdafiəçi mövqeyi elədir ki, buraxılan səhv dərhal diqqət çəkir”.
26 oyunda 31 qol - Video
Qrizmann qayıtdı
Virtzin 21 qolu və 31 qol ötürməsi - Video
"Tottenhem" "Bavariya" ilə qarşılaşacaq
Keyn sağaldı
"Borussiya" onunla peşəkar müqavilə imzaladı
"Barselona"nın apellyasiya şikayəti rədd edildi
Mahir Emreli irqçiliyə qarşı kampaniyaya dəstək verdi
1-ci liqada daha 3 turun oyunlarının saatı müəyyənləşdi
Messi: “Dünya çempionu olmasaydım, millini tərk edəcəkdim”
“Azərlotereya”nın yeni 4 oyunu Misli.az-da
Azərbaycan millisi İrəvana getməkdən imtina etdi
Bölgə komandası çempionatdan kənarlaşdırıldı
AFFA məşqçini futboldan uzaqlaşdırıb
"Şəmkir"in futbolçusundan gözəl qol - Video
ABŞ klubu Jiru ilə razılıq əldə etdi
1-ci liqada 20-ci turun oyunlarının saatı bilindi
PFL 35 oyunun vaxtını açıqladı
4-cü Avropa Oyunları bu şəhərdə keçiriləcək
Pele və Ronaldonu geridə qoydu
Gürcüstan, vicdan və imtahan...
Baş nazir milliinin üzvlərinə orden veriləcəyini açıqladı