19:13
UEFA Konfrans Liqasının pley-off mərhələsində keçiriləcək "Qarabağ" - "Gent" matçı öncəsi azarkeşlərin rahatlığı və bilet sisteminin təhlükəsizliyi üçün yenilik edilib.
Qol.az xəbər verir ki, stadionun hər bir sektorunun qarşısında sensorlu turniketlər yerləşdirilib.
Azarkeşlər biletdə qeyd olunan girişdən (A və ya B) keçərək nömrəsi qeyd olunan sektora yaxınlaşıb biletin QR kodunu oxudaraq turniketdən keçib stadiona daxil ola biləcəklər.
Klubdan Qol.az-a verilən məlumata görə, azarkeşlər üçün yeni qaydalar belə olacaq: "Bu sistem azarkeşlərimizin stadiona giriş-çıxışını asanlaşdıracaq. Əvvəlki oyunlarda biz biletlərlə bağlı problemlər yaşayırdıq. Məsələn, bir şəxsin bileti 7-ci sektora idisə, 14-cü sektorun qarşısında sıxlıq yaradırdı. Bileti yoxlayarkən o sıxlıqda həm könüllülər, həm də mühafizə xidmətinin əməkdaşları əziyyət çəkirdilər. Turniketlərdə isə vəziyyət fərqlidir. Əgər biletin 7-ci sektoradırsa, həmin biletlə başqa sektorunun qarşısında olan turniketdən içəri keçmək mümkün olmayacaq. Yəni 7-ci sektorun turniketlərindən başqa digər qapılarda yerləşən turniketlər bu bileti oxumayacaq. Belə hal bizim könüllülər və mühafizə əməkdaşlarının da işini yüngülləşdirəcək. Azarkeşlərdən xahiş edirik ki, biletləri matç sonuna qədər üzərlərinində saxlasınlar. Fasilə zamanı stadionun yaşıl zonasında - perimetrində hərəkət etmək, qida və su, həmçinin fanshopdan nəsə almaq üçün fürsət olacaq. Buna görə də fasilə zamanı belə bileti turniketə oxudaraq çıxıb, nəsə alıb yenidən turniketə oxudaraq stadiona girmək, tribunada öz yerini tutmaq mümkün olacaq. Matçın sonunda isə turniketlərə ehtiyac qalmayacaq. Azarkeşlər rahat şəkildə öz sektorlarını tərk edə biləcəklər".
Qol.az-ın əməkdaşı bu gün stadionda olarkən yeni tablonun quraşdırıldığına da şahid olub.
Azad Nuriyev
Yuxarı
Dibala ölkəsinə qayıdır
Fati satılacaq
Birlikdə 100 qol vurdular
Alvares La Liqadan gedəcək?
"Atletiko" - "Arsenal" matçının start heyətləri açıqlandı
Muradov başladı, Cəfərli bitirdi
FİFA DÇ-2026-nın mükafat fondunu artırdı
"Şahdağ Qusar" və "Mingəçevir"dən qələbə, "Şəfa" xal itirdi
Rəqibə yumruq atan futbolçu sərt cəzalandırıldı
"Qolların hamısını dəf etmək çətin idi"
4 illik diskvalifikasiya olundu
Zidanın oğlu sıradan çıxdı
Hakimi yarımfinal matçını buraxa bilər
Qapını 70 yaşlı qapıçıya həvalə edəcəklər
