02.06.26
"Turan Tovuz"un baş məşqçisi Ayxan Abbasov Misli Premyer Liqasının 20-ci turunda "Sumqayıt"a 1:2 hesabı ilə uduzduqları oyundan sonra mətbuat konfransı keçirib.Qol.az xəbər verir ki, o, əvvəlcə matçla bağlı fikirlərini bildirib.
- Maraqlı və sürətli oyun oldu. Azarkeşlər futbolun gözəlliyinə rəng qatdılar. Oyun baxımından futbolçularımdan razı qaldım. İki səhv bizə baha başa gəldi. Qol imkanlarımızdan yararlana bilmədik. Çox işləməliyik. Futbolçularımızda irəliləyiş hiss olunur.
- İkinci hissənin ortalarında müdafiədə sanki durğunluq yaranmışdı. Bu, nə ilə bağlı idi?
- Belə bir şey yadıma gəlmir. Rəqibin sürətli hücumunda bəzən arxaya qayıtmaq çətin olur. Bütün komanda ilə irəli atılmışdıq. Sona qədər mübarizə apardıq. Rəqibin əks-hücumları gözlənilirdi.
- İkinci dövrədə "Sumqayıt"a qalib gəlmişdiz. Bu gün sizə qarşı xüsusi motivasiya ilə çıxdıqlarını düşünmürsüz?
- Xeyr. Onların da xala ehtiyacı var. Hər oyun motivasiyadır. İki komanda da yaxşı mübarizə apardı.
- Rəqibləriniz xal baxımından sizə çatır. Gərginlik yoxdur?
- Son 5 pillədəki komandaların gücləri bərabərdir. Belə oyunlarda məğlub olmaq olmaz. İşimiz daha da çətinləşdi.
- Son saniyədə qaçan qol imkanı zamanı hansı hissləri keçirdiniz?
- Futbolçular ruhdan düşmədi. Yaxşı imkanlarımız oldu. Belə vəziyyətlərdə soyuqqanlı olmalıyıq.
- Hesabdan başqa sizi narazı salan məqam nə oldu?
- İki oyundur sadə səhvlər edirik və bu, məğlubiyyətə səbəb olur. "Qarabağ"la oyunda da ani top itkisindən sonra qol buraxdıq.
- AFFA bu gün klubu 5600 manat cərimələdi. Buna münasibətiniz necədir?
- Bizim kimi az büdcəli klublara belə şeylər çox təsir edir. Çətin vəziyyətə salır. Gərək azarkeşlərimiz də daha diqqətli olsunlar.
Minifutbol üzrə Avropa çempionatında ilk finalçı bilindi
"PSJ-yə uyğunlaşmaq çox çətindir"
Yamal zirvədə, Arda Güler 2-ci yerdə
Mourinyonun "qara" siyahısına düşdülər
UEFA klubların yeni reytinqini açıqladı
Bölgə klubunda yeni təyinat
DÇ-2026: Türkiyə millisinin oyun təqvimi
İran yığması DÇ-2026 üçün viza aldı
La Liqanın ən yaxşı baş məşqçisi bəlli oldu
"Bayer" Arbeloanın təklifini geri çevirdi
Ştegenə "Ayaks"dan maraq var
Klub 9 aydan sonra onu göndərdi
Vlahoviç "Yuventus"dan gedir
AFFA-dan "Turan Tovuz"la bağlı növbəti açıqlama
UFC turniri Ağ Evdə!
DÇ-2026-da oynaya bilməyəcək
"Mançester Yunayted"dən "Napoli"yə - Rəsmi
