"Həmin gün ağladım və gecə yata bilmədim" - Neymar

"Həmin gün ağladım və gecə yata bilmədim" - Neymar
DÇ-2022 6 Dekabr 2022 / 09:49 2383
-  A +

Braziliya millisinin hücumçu Neymar DÇ-2022-nin 1/8 final mərhələsində Cənubi Koreyaya 4:1 hesabı ilə qalib gəldikləri oyundan sonra fikirlərini bildirib.

Qol.az "Globo Esporte"yə istinadən xəbər verir ki, o, ilk olaraq qrup mərhələsinin 1-ci turunda Serbiya ilə matçda (2:0) zədələndiyi vaxtı xatırladıb:  “Zədələndiyim zaman çox qorxdum, çünki əla mövsümdən sonra hər şey yaxşı idi. Belə bir zədə almaq çox çətindir. Həmin gün ağladım və gecə yata bilmədim. Ailə üzvlərim nələr yaşadığımı bilirlər. Amma müalicələr nəticə verdi".

30 yaşlı futbolçu bildirib ki, hədəfləri DÇ-2022-nin qalibi olmaqdır: "Qələbə qazandıq və indi daha irəli getmək istəyirik. Finalda olmaq xəyalı qururuq. Qarşıda final üçün 2 matç qaldı. . Biz yaxşı hazırlaşmışıq və diqqətimizi dünya çempionu olmağa cəmləmişik”.

Qeyd edək ki, Neymar zədə səbəbindən qrup mərhələsinin digər görüşlərini buraxmışdı.

Xatırladaq ki,  hücumçu Cənubi Koreya ilə matçda penaltidən fərqlənib.

Daha çox


Son xəbərlər
28.01.23  00:05

Gerye Bakıda - Şəkil

27.01.23  20:59

PSJ onunla razılaşdı

27.01.23  18:59

"Traktor"dan qələbə