"Sabah"ın qapıçısından Azərbaycan çempionatlarında əsrin rekordu

"Sabah"ın qapıçısından Azərbaycan çempionatlarında əsrin rekordu
PREMYER LİQA 7 Noyabr 2022 / 11:55 7022
-  A +

“Sabah”ın qapıçısı Yusif İmanov Azərbaycan çempionatında 10-cu quru oyununu keçirib.

Qol.az xəbər verir ki, gənc qolkiperin yubileyi Misli Premyer Liqasının 13-cü turunun “Səbail”lə görüşünə (2:0) təsadüf edib.

Yusif mövsümdəki 13-cü matçında 7-ci dəfə qapısını toxunulmaz saxlayıb. Premyer Liqada ötən çempionat debüt edən İmanov 7 görüşdən üçündə qol buraxmayıb.

O, 20 yaş 40 günlüyündə quru oyunların sayını 10-a çatdırıb. Yusif 21-ci əsrdə Azərbaycan çempionatlarında 10 matçda qol buraxmayan ən gənc qapıçıdır.

Bu, ümumilikdə yarışın 30 illik tarixində 7-ci nəticədir. Yalnız 6 qapıçı “10”a daha gənc yaşında çatıb ki, bunların hamısı ötən əsrdə qeydə alınıb. Mütləq rekord isə Dmitri Kramarenkoya məxsusdur – 17 yaş 297 günlük.(pfl.az)

Daha çox


Son xəbərlər