“Millinin baş məşqçisi oyunçusu ilə intriqa aparmamalıdır” – Mircavadov

“Millinin baş məşqçisi oyunçusu ilə intriqa aparmamalıdır” – Mircavadov
ÖLKƏ FUTBOLU 21 Sentyabr 2022 / 13:19 4529
-  A +

AFFA Məşqçilər Komitəsinin üzvü Ağasəlim Mircavadov “Qarabağ”ın futboçusu Qara Qarayevin milliyə çağırılmamasını tənqid edib.

Millinin baş məşqçisi Canni de Byazinin Millətlər Liqasının Slovakiya və Qazaxıstanla oyunlar üçün açıqladığı heyətlə bağlı fikirlərini Qol.az saytı ilə bölüşən təcrübəli mütəxəssis deyib:

“Çox qəribə heyət seçimi görürəm. Elə oyunçular var ki, klubunda oynamır, amma yığmaya dəvət alıb. Elələri var ki, klubunda çox yaxşı oynayır, milliyə çağırılmayıb. Bu il Qara Qarayevin oyunu çox yüksək səviyyədədir. O mövqedə Qara Azərbaycanda birincidir. Yaddan çıxarmayaq ki, Qara bir çox oyunlarda “Qarabağ”ın kapitanı olur. Yəni oyunçunun psixologiyasına əl dəyməmək, ona hörmət etmək baş məşqçi üçün vacib məsələdir. Qara da o oyunçulardandır. Son matçlarda “Qarabağ”da çox əla oynadı. Onun milliyə niyə dəvət olunmaması həddindən artıq böyük sualdır. 

Klub səviyyəsində hər cür futbolçular olur və müxtəlif qərarlar verə bilərsən. Amma milli komandada məşqçi heç vaxt oyunçu ilə intriqa aparmamalıdır. Futbolçu komandaya vacib lazımdırsa, xasiyyəti necə olur-olsun, baş məşqçi onu heyətə dəvət etməlidir. Biz İtaliya, Fransa, Almaniya deyilik ki, bir mövqedə 10 oyunçumuz olsun. Özü də Qara sırf azərbaycanlıdır, milliləşdirilən oyunçu deyil. Buna da fikir vermək lazımdır”.

Ramiq Ağaməmmədov

Daha çox


Son xəbərlər
24.09.22  15:17

Kunde sıradan çıxdı

24.09.22  12:58

"Milan"da itki