Vüqar Əsgərli: "Ona dəstək olmalıyıq"

Vüqar Əsgərli: "Ona dəstək olmalıyıq"
ÖLKƏ FUTBOLU 19 Avqust 2022 / 19:20 2779
-  A +

"Azarkeşlərə yaratdıqları atmosferə görə təşəkkür edirik. Onlar möhtəşəm idilər. Üç oyundur ki, komandamız əzmkarlıq göstərir, amma qalib gələ bilmirik. Hazırlıq üçün qısa vaxtımız var idi. Çünki oyunlar arasında zaman çox deyildi. Rəqibi yaxşı analiz etmişdik. Cərimə meydançasında yaxşı çoxala bilirdik, ancaq tələskənlik olurdu. Bunu da zaman keçdikcə inkişaf etdirəcəyik. Vaxt lazımdır, gənc və perspektivli futbolçulara sahibik. Onlara inanmalıyıq, şans vermişik. Futbolçularımıza təşəkkür edirəm ki, bu cür oyun göstərdilər".

Qol.az xəbər verir ki, bu sözləri "Şamaxı"nın  baş məşqçisi Vüqar Əsgərli Azərbaycan Premyer Liqasının 3-cü turunda evdə "Səbail"lə 1:1 hesablı heç-heçə etdikləri oyundan sonra keçirilən mətbuat konfransında deyib.

"Digər oyunlarla müqayisədə Şamaxıda azarkeş kütləsi çoxalır, futbolu sevməyə başlayırlar. Dünən axşam otelin qarşısına yığışmışdılar, futbolçuları dəstəkləməyə gəlmişdilər" - deyə o bildirib.

"Şamaxı"nın baş məşqçisi "Səbail"lə matçda buraxılan qolda kobud səhvə yol verən Fuad Bayramov haqda isə bu cür danışıb: "Komandada olan futbolçuların hamısı bizim üçün əhəmiyyətlidir. Bir səhvə görə Fuad Bayramovu və ya başqasını silib atmaq olmaz. Ona dəstək olmalıyıq. Səhv edə-edə yaxşı yerlərə gələcəklər. Oyundan sonra özü ilə də danışdıq ki, səhvdir, onsuz mümkün deyil. Komanda olaraq da oyundan-oyuna artıracağıq. Hazırlıq dövrümüz də qısa çəkib. Futbolçular məşqdə əzmkarlıq göstərirlər, hamısı oynamaq istəyir. Daha yaxşı “Şamaxı” görəcəksiniz" (sportal.az).
.

Daha çox


Son xəbərlər
30.09.22  15:25

"Everton" satılır