“Qarabağ” qrup matçlarını “Tofiq Bəhramov”da oynasa, yaxşı olar”

“Qarabağ” qrup matçlarını “Tofiq Bəhramov”da oynasa, yaxşı olar”
ÖLKƏ FUTBOLU 15 Avqust 2022 / 17:01 7025
-  A +

“Qarabağ” 2017-ci ildə Çempionlar Liqasının qrup mərhələsindəki ev matçlarını Bakı Olimpiya Stadionunda keçirəndə o qədər də uğurlu çıxış etməmişdi. Söhbət düşər-düşməz məsələsində deyil. Ortada atmosfer məsələsi var”.

Bu sözləri futbol mütəxəssisi Yunis Hüseynov Qol.az saytına geniş müsahibəsində deyib. O, Ağdam təmsilçisinin ÇL-in qrupuna düşəcəyi halda ev oyunlarını Tofiq Bəhramov adına Respublika Stadionunda yox, Bakı Olimpiya Stadionunda keçirib-keçirməyəcəyinə dair aparılan müzakirələrə münasibət bildirib:

“Futbolçular Tofiq Bəhramov adına Respublika Stadionunda özlərini daha rahat hiss edirlər. Həm də azarkeşlər, tribunalar meydançaya yaxındır. Tribunalar dolu olanda görünür ki, həqiqətən də stadion doludur. Amma Bakı Olimpiya Stadionunda belə deyil. Bu stadion da çox gözəldir. Amma orada azarkeşlərin çoxluğu hiss olunmur. Məncə, “Qarabağ” Çempionlar Liqasının qrupuna düşəcəyi halda Tofiq Bəhramov adına Respublika Stadionunda oynasa, daha yaxşı olar. Kim bilet tapar, lap yaxşı. Tapmasaq da, gərək televiziya qarşısından baxaq. Neyləyək? (gülür)”

Qeyd edək ki, “Qarabağ” ÇL-in pley-off mərhələsində “Viktoriya” (Plzen, Çexiya) qarşılaşacaq. “Qarabağ”la “Viktoriya” arasında ilk görüş avqustun 17-də Bakıda, Tofiq Bəhramov adına Respublika stadionunda keçiriləcək. Oyun saat 20:45-də başlayacaq. Cavab görüşü isə avqustun 23-ü Çexiyada oynanılacaq.

Daha çox


Son xəbərlər
30.09.22  15:25

"Everton" satılır