"Hesab bizim üçün o qədər də önəmli deyil" - "Şamaxı"nın baş məşqçisi

"Hesab bizim üçün o qədər də önəmli deyil" - "Şamaxı"nın baş məşqçisi
ÖLKƏ FUTBOLU 14 Avqust 2022 / 21:34 2399
-  A +

"Qəbələyə uzaq yol gələn azarkeşlərimizə təşəkkür edirəm. Azərbaycan futbolunda özünəməxsus yeri olan "Qəbələ"yə qarşı oynadıq. Onların oturuşmuş kollektivi, bizim isə gənc heyətimiz var. Bunu hər dəfə qeyd edirəm. Sadəcə olaraq, bizə vaxt lazımdır. İkinci yarıda istədiyimizə hardasa nail ola bildik".

Qol.az xəbər verir ki, bu sözləri "Şamaxı"nın baş məşqçisi Vüqar Əsgərli Premyer Liqanın 2-ci turunda səfərdə "Qəbələ" ilə keçirilən oyundan sonra mətbuat konfransında deyib.

O, 1:3 hesablı məğlubiyyəti belə şərh edib: "Hədəfimiz hamıya bəllidir. Rəhbərliyin qarşımıza qoyduğu məqsəd odur ki, gənc futbolçuların oynamasına şərait yaradıb, onları inkişaf etdirək. Hazırda hesab bizim üçün o qədər də önəmli deyil. Buna baxmayaraq, məğlubiyyətin acısını çəkirik. Ani diqqətsizlikdən sonra "Qəbələ" ilk 20 dəqiqədə üç qol vurdu. Bu komandada zəngin təcrübəyə malik yerli və legioner futbolçular var. Onlar da şanslardan istifadə etdilər".

Daha çox


Son xəbərlər
24.09.22  15:17

Kunde sıradan çıxdı

24.09.22  12:58

"Milan"da itki