21:50
"Neftçi”nin baş məşqçisi Laurentsiu Regekampf Konfrans Liqasının 3-cü təsnifat mərhələsində Avstriya “Rapid”i (Vyana) ilə cavab oyunu öncəsi mətbuat konfransı keçirib.
Qol.az xəbər verir ki, o deyib: "İlk oyunda qələbə qazandıq. Buraya da qələbə üçün gəlmişik. Bizi çətin qarşılaşmanın gözlədiyini bilirik. Rəqib bu oyuna daha yaxşı hazırlaşıb və qalib gəlməyə çalışacaq. Çünki evdə oynayırlar. “Rapid” ciddi rəqibdir. Amma biz də səfərə Bakıdakı hesabı qorumağa gəlməmişik. Rəqibə hörmət edirik, amma qələbə qazanmaq niyyətindəyik”.
Mütəxəssis "Rapid"ə qarşı necə oynamaq lazım olduğu haqda da danışıb: "Mənim futbolçularıma mesajım çox aydındır. Bəli, biz Bakıya yaxşı nəticə ilə qayıtmaq istəyirik. Amma hələ oyun oynanılmayıb. Sabah biz mübarizə aparmalı, aktiv olmalıyıq. Mən tərəfdən futbolçularıma olan mesajdır. "Rapid"in gücünün nədən ibarət olduğunu bilirik. Hücum xəttində çox yaxşı oyunçuları var. Onlardan ehtiyatlanmalıyıq. Onlara çox boşluq və düşünməyə vaxt verməməliyik. Qol buraxsaq belə, mübarizəni davam etdirməli və cavab qolunu vurmalıyıq".
Regekampf Vyana təmsilçisinin zəif cəhətlərini oyunçulara söylədiyini vurğulayıb: "Hər mütəxəssis qarşısındakı komandanı analiz edir. Bu da normaldır. Futbolçulara onların zəif nöqtələrini göstərməyə çalışmışıq. Ancaq günün sonunda biz də futbolçulardan asılı qalırıq. Sabah meydanda öz işlərini görməlidirlər".
Baş məşqçi mərhələ adlayacaqları təqdirdə istənilən sözü verməyə hazır oluğunu bildirib: "Mən sizə hər cür söz verə bilərəm. Amma gəlin sabahkı oyunu başa vuraq. Bu oyuna ciddi yanaşaq. Çünki asan oyun olmayacaq. Biz güclü rəqibə qarşı oynayacağıq. “Rapid” Avstriyanın tarixi klubudur. Onlar da əllərindən gələni edəcəklər ki, növbəti mərhələyə vəsiqə qazansınlar. Əgər növbəti mərhələyə vəsiqə qazansaq, sizə hər şey barədə söz verəcəyəm".
Qeyd edək ki, sabah keçiriləcək “Rapid” – “Neftçi” matçı Bakı vaxtı ilə saat 22:30-da başlayacaq. Bu komandalar arasında ilk görüşdə Azərbaycan təmsilçisi 2:1 hesabı ilə qalib gəlib.
"Napoli"yə "hə" dedi
"Real" yeni transferini açıqladı
"Milan" Modriçin keçidini rəsmiləşdirdi
"Komandamdan narazı qalmadım" - Elmar Baxşıyev
Modriç "Milan" azarkeşlərinə səsləndi
"Araz-Naxçıvan" Superliqa klubuna uduzdu
"Qəbələ" "Şamaxı"ya qalib gəldi
"Real"ın oyunçusu: "Betis" mənim evimdir"
PSJ-nin kapitanı: "Bu məğlubiyyət bizə dərs olacaq"
"İmişli"nin yayda daha iki rəqibi bəlli oldu
Klublararası dünya çempionatının rəmzi komandası
"Sumqayıt" onu da göndərdi
Adama Diakabi Almaniya klubuna keçdi
Daha bir azərbaycanlı futbolçu Qırğızıstan klubunda
“Qarabağ” İsveçdə qələbə ilə başladı
U-15 "Region Kuboku"nun qalibi məlum oldu - Şəkillər
"Barselona" transferi açıqladı
Dünya çempionatının ən yaxşıları
Avropa birinciliyi: 4 boksçumuz finalda
Mahir Emrelini vurdular, ara qarışdı - Video+Şəkillər
"Neftçi" İsrail və Polşa klubları ilə qarşılaşacaq
Redon Cica "Qarabağ"la belə vidalaşdı
