Ronaldo ilk turdan əvvəl "Mançester Yunayted"dən ayrılmaq istəyir

Ronaldo ilk turdan əvvəl "Mançester Yunayted"dən ayrılmaq istəyir
DÜNYA FUTBOLU 2 Avqust 2022 / 10:14 2166
-  A +

"Mançester Yunayted"in futbolçusu Kriştiano Ronaldo İngiltərə Premyer Liqasının ilk turu başlamazdan əvvəl klubu tərk etmək istəyir.

Qol.az "AS"a istinadən xəbər verir ki, portuqaliyalı hücumçu bu mövsümə bir klubda başlayıb, başqa klubdan davam etməsini düzgün hesab etmir. Bu baxımdan o, klub Premyer Liqanın yeni mövsümünə başlamazdan əvvəl “Mançester Yunayted”dən ayrılmaq istəyir.

Bildirilib ki, Ronaldonun agenti Xorxe Mendeş bir neçə həftə ərzində “Barselona”, “Atletiko”, “Çelsi”, “Bavariya”, “Napoli” kimi bir neçə böyük Avropa klubu ilə görüşlər və söhbətlər aparıb, lakin konkret təklif müzakirə olunmayıb.

“Mançester Yunayted” Premyer Liqanın 1-ci turunun matçını avqustun 7-də “Brayton”la keçirəcək.

Qeyd edək ki, Ronaldo 2021-ci ilin yayında "Mançester Yunayted"ə qayıdıb. Onun klubla müqaviləsi 2023-cü ilin yayına qədərdir.


Son xəbərlər