16:45
“Oyundan və futbolçularımdan çox danışmaq olar. Amma istəmirəm danışım. Sadəcə, futbolçularımı bağrıma basıram, hər birini təbrik edirəm".
Qol.az xəbər verir ki, bu sözləri "Qarabağ"ın baş məşqçisi Qurban Qurbanov Çempionlar Liqasının 2-ci təsnifat mərhələsində "Sürix"lə cavab matçından (2:2) sonra keçirilən mətbuat konfransında deyib.
İlk oyunda rəqibini 3:2 hesabı ilə məğlub edən Ağdam təmsilçisi iki matçın nəticəsinə görə 3-cü təsnifat mərhələsinə yüksəlib. Qurbanov futbolçularının sona qədər döyüşdüyünü bildirib:
"Bu gün həqiqətən də “Qarabağ”a layiq inamlı insanlar gördük. Bu gün meydanda güclü bir kollektiv var idi. Mən həmişə futbolçularımızı döyüşçü adlandırıram. Həqiqətən bu gün oyunun əvvəlində taktiki savaş, sonra isə döyüş getdi. Hər bir halda futbolçularım buna layiq idi. Allaha şükür ki, hər şey istədiyimiz kimi oldu. Əvvəl də demişdim ki, "Sürix" bizə uyğun rəqib deyil. Bütün Azərbaycanl təbrik edirəm. “Sürix”ə gələcək oyunlarda uğurlar arzulayıram.
Q.Qurbanov hesabda geri düşəndə futbolçularına hansı tapşırıqları verməsindən də danışıb: "Bəli, bir az gərgin dəqiqələr idi. Futbol dilində anlatdım hər şeyi. Belə oyunlar həm futbolçuları, həm də məni daha da böyük edir. Bəzən bu cür matçlarda məğlub olsaq da, məyus olmuram. Belə oyunlar hamımıza lazımdır. Bəzi tapşırıqları verdim. Rəqibin uzun ötürmələrində diqqətli olmağı tapşırdım. Başqa tapşırıqlar da oldu. İndi hamısı yadımda deyil. Bu da bir təcrübə oldu".
Baş məşqçi zədəli futbolçuların durum haqda isə deyib: "Medinanın zədəsi ciddiyə oxşayır. Sabah axşam Bakıda daha dəqiq diaqnoz qoyulacaq. Digər futbolçularda yorğunluqdan olan zədələrdir".
Q.Qurbanov əvəzetmələri haqda da danışıb: "Belə oyunlarda 5 əvəzetmə haqqının olması bir az üstünlükdür. Çünki biz avrokuboklara daha tez, komanda optimal formadan uzaq olan vaxt başlayırıq. İlk oyunlarda bəlkə futbolçuların hazırlıqsız olmalarına görə əvvəlcədən bəzi planlarımız olur. Amma get-gedə oyunların gedişatı məcbur edir ki, bu addımları ataq. Həmişə ehtiyatımızı saxlayırdıq ki, bəlkə kimsə zədələnər, həddən artıq yorular və ya əlavə vaxt olar. Bu 5 əvəzetmə hər bir komana üçün böyük üstünlükdür".
"Real"da ciddi itki
Maykl Kinlə yubiley müqaviləsi imzalandı
Quliyev və Səfərovun dublları, "Səbail"in qələbəsi - Video
Vinisius Mbappedən az maaş alacaq
Günay Qurbanova Avropa çempionatında bürünc medal qazandı
Azarkeşlərin davranışı kluba baha başa gəldi
Avropanın ən baxımlı komandası oldular
"Mançester Yunayted"ə keçə bilər
"Nyukasl" Qordon üçün 80 milyon tələb edir
"Fənərbaxça"dan derbidən öncə gözlənilməz qərar
Rəhim Həsənov hakimin qərarlarını təsdiqlədi - Video
Rəqib qapısına zərbə vurmadan finala yüksəldilər
1-ci liqada 23-cü tura yekun vuruldu
20-cini vurdu, 30-cu oldu
“Zirə”nin 3-cü, “Sabah”ın 2-ci finalı
PSJ növbəti oyuna itki ilə çıxacaq
Azərbaycan millisi Belarusla qarşılaşacaq
"Barselona" təsdiqlədi: Bu mövsüm oynaya bilməyəcək
UEFA Arda Turanı cərimələdi
"Real" Ardanın zədələndiyini açıqladı
İstanbul derbisinin hakimləri bilindi
"Sabah" Rəvan Həmzəzadəni özü ilə aparacaq?!
Artetanın oğlu "Arsenal"da debüt etdi
Yamal zədələndi
