“Qrupa gedən yolda “Qarabağ”ı dayandıra bilən olmayacaq” – Vaqif Sadıqov

“Qrupa gedən yolda “Qarabağ”ı dayandıra bilən olmayacaq” – Vaqif Sadıqov
ÖLKƏ FUTBOLU 20 İyul 2022 / 15:07 6798
-  A +

“Biz “Qarabağ”ın oyunu ilə qürur duyuruq. Bu fikri təkrarlamaqdan yorulmuram”.

Bu sözləri Qol.az-a açıqlamasında AFFA-nın vitse-prezidenti, qurumun Məşqçilər Komitəsinin sədri Vaqif Sadıqov deyib. “Qarabağ”ın Çempionlar Liqasının 2-ci təsnifat mərhələsində İsveçrə “Sürix”i ilə Bakıdakı oyununu (3:2) dəyərləndirən millimizin sabiq baş məşqçisi Ağdam klubunun səfərdə də yaxşı nəticə qazanacağına inandığını bildirib:

“Başa düşməliyik ki, Avropa səviyyəli, bütün standartlara cavab verən bir “Qarabağ” komandamız var. “Qarabağ” öz futbol mədəniyyəti, komanda ruhu ilə seçilir və Azərbaycanı Avropada layiqincə təmsil edir. “Sürix”lə oyun bir daha sübut etdi ki, biz rəqibdən asılı olmayaraq heç kimdən çəkinməməliyik.  Dünənki nəticə bəlkə də, “Qarabağ”ın mərhələ adlaması baxımından kimlərdəsə şübhə yaratdı. Düzdür, çətin olacaq, amma inanın ki, iki oyunun nəticəsinə görə “Qarabağ” mərhələni adlayacaq. “Qarabağ”ın öz oyun üslubu var. Komanda rəqibdən, yaxud da oyunun yerindən asılı olmayaraq öz oyununu göstərir. Bu oyun üslubu ilə yola davam etmək olar. Ümid edirəm ki, “Qarabağ” İsveçrədə də öz məzmunlu oyunu ilə müsbət nəticə əldə edəcək”.

V.Sadıqov “Qarabağ”ın qrup mərhələsinə qədər irəliləyəcəyinə ümid etdiyini qeyd edib: “Məncə, “Qarabağ” Avropanın TOP-5 ölkələrinin komandaları ilə mübarizə aparmağa hazırdır. Yəni bütün keyfiyyətləri ilə çox güclü təsir bağışlayan bir komandamız var. Çempionlar Liqasının startında komandanın baş məşqçisi Qurban Qurbanov bildirmişdi ki, məqsədimiz qrup mərhələsinə düşməkdir. Mən elə başa düşürəm ki, bu yolda “Qarabağ”ı dayandıra bilən olmayacaq. “Qarabağ”a uğurlar”.

Ramiq Ağaməmmədov

Daha çox


Son xəbərlər
01.03.26  17:06

Bəhluldan yeni xəbər

01.03.26  16:57

ETOPAZ 14 yaşında

01.03.26  13:22

Yamaldan tarixi rekord

topaz banner