22:53
“Neftçi”də baş məşqçi vəzifəsinə təyinatın gecikməsi məsələsi klubun azarkeşlərini haqlı olaraq narahat etməkdədir. Axı, düz bir ay sonra komanda UEFA Konfrans Liqasında yarışa başlayır. Amma komandanın nə baş məşqçisi, nə də yeni transferləri var.
Bununla belə, baş məşqçi məsələsinin həlli an məsələsidir. Bu problem yaxın 1-2 günə də həllini tapa bilər.
Qol.az-ın əldə etdiyi xəbərə görə, klubun sahibləri üçün ukraynalı mütəxəssis Yuri Vernidub bir nömrəli namizəddir. Vernidubla danışıqlar da olub. O, komandanı çalışdırmağa da razılaşıb. Lakin hazırda onunla bağlı əsas problem Ukrayna ordusunda xidmət etməsidir. Məlum olduğu kimi, Rusiya Ukraynaya müharibə elan etdikdən sonra Vernidub Moldova “Şerif”indəki işindən ayrılaraq vətəninə qayıdaraq ordu sıralarında xidmətə başlayıb. Sonradan isə “Şerif”lə yolları rəsmən ayırıb. Hazırda müharibə davam etdiyindən onun Silahlı Qüvvələrdən tərxisi məsələsi həllini tapmayıb. Bu səbəbdən Vernidub həm,”Neftçi”yə, eləcə də onunla maraqlanan digər komanda “Krivbass”a (Ukrayna) dəqiq cavab verə bilmir. O, bu yaxınlarda Ukrayna mediasına müsahibəsində də etiraf edib ki, hazırda məşqçi kimi çalışmasını əngəlləyən yeganə səbəb ordu sıralarında olmasıdır.
“Neftçi”nin baş məşqçi vəzifəsinə digər namizəd olan belaruslu Viktor Qonçarenko isə yüksək maddi tələblər irəli sürdüyündən onunla danışıqlar bir müddət əvvəl dayandırılıb. Ona görə də indi Vernidubla yanaşı digər namizəd Təbriz “Traktor”undan ayrılan Ertoğrul Sağlamdır. Türk mütəxəssis B variantı olaraq düşünülür. Əgər Vernidubun “Neftçi”yə transferi baş tutmasa, o zaman komandaya E.Sağlam gətirilə bilər. Onunla da danışıqlar aparılıb və razılıq əldə edilib.
Messi Peleyə çatdı
Messi dubl etdi
“Fənərbaxça” xal itirdi
"Məcbur deyilik ki, hər il çempion olaq" - Qurban Qurbanov
Klubun heç bir futbolçusu 3 qol vurmayıb
"Qarabağ"ın təcrübəsi öz sözünü dedi" - Valdas Dambrauskas
Salahın qolsuzluq seriyası davam edir
“Ona dedim ki, üzr istəmək lazımdır” - Qurban Qurbanov
“Qarabağ”dan əla geridönüş - Video
Baş məşqçi qırmızı vərəqə aldı, apelyasiyaya şikayət etdi
“Tofiq Bəhramov”dakı gərginliyin səbəbi müəyyənləşdi
