Rəşad Sadıqovun kəşfi olan Ramin Əhmədov kimdir?

Rəşad Sadıqovun kəşfi olan Ramin Əhmədov kimdir?
ÖLKƏ FUTBOLU 16 May 2022 / 11:32 5574
-  A +

Premyer Liqanın 27-ci turunun  dünən keçirilən“Zirə” – “Neftçi” matçının (1:0) qəhrəmanı Ramin Əhmədovdur desək, yəqin yanılmarıq. 

21 yaşı iyunda tamam olacaq yarımmüdafiəçi 74-cü dəqiqədə Cəlal Hüseynovun əvəzinə meydana daxil oldu, bundan 8 dəqiqə sonra – 82-ci dəqiqədə isə komandasının qələbə qolunu vurdu. O, cərimə meydançası daxilində “Neftçi”nin iki təcrübəli oyunçusunun əhatəsində çıxaraq fərdi ustalığı sayəsində topu rəqib qapısından keçirməyi bacardı. Nəticədə “Zirə” mühüm qələbə qazandı və bu uğur sayəsində Konfrans Liqasına vəsiqəni təmin etdi.

Raminin qoluna videonun 3:20-ci dəqiqəsindən baxa bilərsiniz

Oyundan sonra keçirilən mətbuat konfransında “Zirə”nin baş məşqçisi Rəşad Sadıqov Raminin oyununa yüksək qiymət verdi. 

Bəs, Azərbaycan futbolnun gənc istedadlarından olan R.Əhmədov kimdir? 

1 iyun 2001-ci ildə doğulan Ramin Zaqatala futbol məktəbinin yetirməsidir və yarımmüdafiəçidir. O, “Zirə”yə ötən ilin avqustunda azad agent kimi birinci divizion təmsilçisi “Zaqatala”dan cəlb olunub. Klub həmin vaxt açıqlama yayaraq “20 yaşlı Ramin Əhmədovla 4 illik müqavilə imzalandığını” elan edib. R.Əhmədov bu mövsüm Premyer Liqada ümumən 8 oyunda meydana çıxıb və 1 qol vurub. Onu Rəşad Sadıqovun kəşflərindən də saymaq olar. Gənc mütəxəssis dünən keçirdiyi mətbuat konfransında Raminlı bağlı sualı da cavablandırıb. O, Raminin bu mövsüm əsas heyətdə daimi çıxış etməməsini rəqabətlə əlaqələndirsə də, futbolçuya inamını da etiraf edib:

“Əslində oyundan (“Neftçi” ilə) əvvəl onu əsas heyətdə fikirləşirdim. Son məşqlərdə özünü həqiqətən yaxşı tərəfdən göstərirdi. Əsas heyətdə oynamaması rəqabətlə bağlıdır. Bizdə meydanın mərkəzində Hacı, Muhammed, Coçqun, qış fasiləsindən sonra Ahmed çıxış edir. Onlar daha təcrübəli olduqları üçün rəqabətdə üstün idilər. Oyunlar da gərginləşdikcə bir az ehtiyat edirdim. Amma bu gün belə çətin məqamda risk edib onu meydana buraxdıq. O da artıqlaması ilə bunun əvəzini verdi. Keçən il Ramin  “Zaqatala”da çıxış edirdi. Birinci liqadan 2-3 futbolçu götürmüşdüm ki, orada oynayanlara da şans vermək lazımdır və unudulmamalıdır. O vaxt mənim onlarla bağlı fikirləşdiyim bu gün mənə qızıl xallar qazandırdı. Bu, mənim üçün Allahın hədiyyəsi, bərəkəti oldu”.

Daha çox


Son xəbərlər
27.03.24  21:58

Keyn sağaldı