Cüdoçumuz finalda

Cüdoçumuz finalda
CÜDO 28 Yanvar 2022 / 18:09 4305
-  A +

Portuqaliyanın Almada şəhərindəki cüdo üzrə Qran-pri start götürüb.

Qol.az xəbər verir ki, ilk yarış günündə Azərbaycanın iki cüdoçusu mübarizəyə başlayıb. 60 kq-da çıxış edən Balabəy Ağayev və Rövşən Əliyev xalça üzərinə çıxıb.

1/16 finalda özbəkistanlı Bahrom Baturova ipponla qalib gələn Ağayev növbəti raundda isveçrəli Lionel Şvanderə də eyni aqibəti yaşadıb. 1/4 finalda Monqolustan təmsilçisi Tsoqt-Oçir Byambajavdan üstün olan cüdoçu yarımfnalda yaponiyalı Taiki Nakamuronu da məğlub edərək finala yüksəlib.

Əliyev isə startda braziliyalı Allan Kuvabara ilə dueldən qalib ayrılsa da, 1/8 finalda monqolustanlı Sumiyabazar Enhtayvana uduzaraq, yarışla vidalaşıb.

Qeyd edək ki, Azərbaycanın digər 3 cüdoçusu Adil Kərimli (100 kq), İmran Yusifov və Uşanqi Kokauri (hər ikisi +100 kq) isə mübarizəyə yanvarın 30-da qoşulacaq.

Daha çox


Son xəbərlər
25.05.22  22:29

Kompani istefa verdi

25.05.22  01:16

28 oyun, 21 futbolçu