16.11.18
Çempionlar Liqasının ikinci təsnifat mərhələsində “Qarabağ”ın rəqibi olan “Kukesi”nin baş məşqçisi Armando Kunqu Albaniya mətbuatına müsahibə verib.
Qol.az-ın məlumatına görə, komandasının növbəti mərhələ şanslarını dəyərləndirən mütəxəssis Ağdam klubunun heyətində çıxış edən həmyerlisi Ansi Aqolli ilə qarşılaşmağı səbirsizliklə gözlədiyini bildirib.
- Seçim şansınız olsaydı, “Qarabağ” və “Olimpiya”dan hansı ilə qarşılaşmaq istərdiniz?
- Mənim üçün rəqibin kimliyi önəmli deyil. Çünki Çempionlar Liqasında irəliyə getdikcə vəziyyət çətinləşir, daha güclü komandalarla qarşılaşırsan. Bakıdakı oyun da göstərdi ki, “Qarabağ” və “Olimpiya” demək olar, bərabər səviyyəli komandalardır.
- Sizcə, “Kukesi”nin “Qarabağ”ı məğlub edib növbəti mərhələyə adlamaq şansı var?
- Real danışsaq, “Qarabağ” kimi rəqiblə qarşılaşacağımıza hələ də inanmırıq. Bu komanda son vaxtlar müntəzəm olaraq, hər il Çempionlar Liqasında iştirak edir. Hətta ötən il qrup mərhələsinə də vəsiqə qazanıblar. Bu, o deməkdir ki, bizə çox çətin olacaq. Amma bacardığımız qədər mümkün olan hər şeyi edəcəyik. Bütün variantları yoxlayacağıq, futbolda nəyin necə olacağı bilinmir.
- Albaniya millisinin sabiq kapitanı Ansi Aqolli artıq 8 ildir “Qarabağ”da çıxış edir. Bu yaxınlarda onunla danışacaqsınız?
- Onunla danışacağımı düşünmürəm. Aqollini tanıyıram, ona həm insan, həm də idmançı kimi böyük hörmətim var. Amma onunla müzakirə edəsi heç nəyim yoxdur. Onunla danışmaq qeyri-peşəkarlıq olar. Aqolli digər komandanın üzvüdür və peşəkar futbolçudur. Bu səbəbdən mənə onunla danışmaq lazım deyil. Sadəcə, onu Albaniyada mehribancasına qarşılayacam. Hamısı bu qədər.
- Necə düşünürsünüz, “Qarabağ”la oyunlar üçün komandada dəyişiklik etməyə ehtiyac var?
- Əvvəlcə mən rəqib komandanı diqqətlə izləyəcəyəm, sonra hərəkət edəcəyəm. Hər bir məşqçinin beynində başqa planlar və imkanlar olur. Mən də digər variantları nəzərdən keçirəcəyəm. Rəqibdən və əlimizdəki imkanlardan asılı olaraq, düşünürəm ki, bu oyun üçün ən yaxşı sistemi seçəcəyik. Çünki növbəti mərhələyə keçmək üçün bütün bacarığımızı ortaya qoymalıyıq.
"Milli sanki meydana heç çıxmamışdı"
Keyn 78 illik rekordu təkrarladı
Argentina ilə oyuna çıxa bilməyəcəklər?
“Turan Tovuz” “Fənərbaxça”ya məğlub oldu
İngiltərə Xorvatiyaya 7 qolla qalib gəldi
“Arsenal”dan ev stadionu ilə bağlı gözlənilməz qərar
Azərbaycan millisi Moldovaya məğlub oldu
“Hücum xəttində problemlərimiz var” - Rəşad Sadıqov
“Turan Tovuz” “Fənərbaxça” ilə matça bu heyətlə çıxır
Rəşad Sadıqov Lixtenşteynlə matçdan danışdı - Video
"Borussiya" "Sabah"la oyun öncəsi futbolçusu üçün narahatdır
"Qarabağ" "Zirə"yə qalib gəldi
"İmişli" "Şəfa" ilə heç-heçə etdi
“Qəbələ” Yaponiya millisinə uduzdu
“Qaradağ Lökbatan” və “Şəmkir”dən böyükhesablı qələbə
Çempionlar Liqası matçını buraxa bilər
Messi yeni klubunun qələbəsini belə qeyd etdi - Şəkil
A Seriyasında ayın ən yaxşısı oldu
"Sabah"dan ayrıldı, Kosovo klubuna keçdi
"Qəbələ" albaniyalı futbolçu transfer etdi
Rafinya yenə La Liqanın ən yaxşısı seçildi
Kukurelya: "Qızıl top"da özümə səs verərdim"
Ukrayna millisinin antirekordu
Hansı oyun hansı kanalda?
Azərbaycan gimnastları 6 medal qazandılar
Rüfət Abbasov: “Sabah biz qalib gəlməliyik”
İlham Əliyev federasiya prezidentini təltif etdi
Məhkəmə Mbappenin iddiasını rədd etdi
Van Bommel Türkiyə üzərində qələbədən danışdı
Türkiyə millisinin ardıcıl üçüncü məğlubiyyəti - Video
Montelladan istefa sualına cavab
“Qarabağ”ın qapıçısı İsveçlə matçı kənardan izlədi
Puxaç darmadağının iştirakçısı olmadı
Varkonyinin debütu yenə baş tutmadı
Fransa - İtaliya matçında heç-heçə, Türkiyə uduzdu
Yankoviç oynadı, komandası qalib gəldi
Almaniya millisinin düşərgəsini tərk etdi
