“Qarabağ” “Qəbələ”dən daha güclüdür” - “Samtredia”nın baş məşqçisi

“Qarabağ” “Qəbələ”dən daha güclüdür” - “Samtredia”nın baş məşqçisi
ÖLKƏ FUTBOLU 10 İyul 2017 / 21:02 6861
-  A +

"Qəbələ"yə 1:5 hesabı ilə uduzan "Samtredia” ilə indiki arasında ciddi fərq var. O vaxt oyunçularımız çox cavan idi. Hazırda isə heyətlə bağlı problemimiz yoxdur”.

Qol.az-ın sportnet.az-a istinadən yaydığı xəbərə  görə, bunu Gürcüstanın "Samtredia” klubunun baş məşqçisi Georgi Tsetsadze Çempionlar Liqasının ikinci təsnifat mərhələsində "Qarabağ” ilə ilk matçdan əvvəl təşkil edilən mətbuat konfransında deyib.

Daha sonra o, jurnalistlərin suallarını cavablandırıb:

- Qarşıdakı matçda hansı nəticə sizi qane edəcək?

- Sabah görəcəksiniz. Yaxşı oyun olacaq. Nəticəni təxmin etmək istəmirəm.

- "Qarabağ”la "Qəbələ”ni müqayisə etsəniz, hansı komanda daha güclüdür?

- "Qarabağ” daha güclüdür, son illər çempion olur.

- "Samtredia” niyə "Qarabağ”ı öz şəhərində yox, Tiflisdəki "Dinamo” stadionunda qəbul edəcək?

- "Dinamo”da oynamaq sırf mənim istəyimdir. Samtrediada rəqibi qəbul edə bilməməyimizə gəlincə, stadionumuz UEFA standartlarına cavab vermir.

- "Qarabağ”ın heyətində kimləri qeyd edərdiniz?

- Rəqib güclü komandadır. Kimisə ayrılıqda fərqləndirmək istəməzdim.  "Qarabağ” kombinasiyalı futbol sərgiləyir. Yaxşı olardı ki, ümumiyyətlə oynamayaydılar (gülür).

- "Qarabağ”ın keçirdiyi bütün yoxlama matçlarında uduzmasının sizin üçün bir önəmi var?

- Xeyr. Bu, yoxlama görüşləridir. Rəsmi oyunlar başqa cür olur.

Daha çox


Son xəbərlər
24.03.26  21:14

Hakimi "Real"a keçir?

topaz banner