16:31
“Neftçi”nin yarımmüdafiəçisi Viçko Şevel Misli Premyer Liqasının 7-ci turunda “Sabah”a qarşı keçirilən oyundan (0:0) sonra jurnalistlərin suallarını cavablandırıb. QOL.az saytının əməkdaşının da iştirak etdiyi müsahibəni təqdim edirik:
- Qolsuz heç-heçəni necə şərh edərdiniz?
- Vacib oyun idi. Hər iki tərəf qələbə qazanmaq istəyirdi. Yaxşı şanslarımız var idi. Təəssüf ki, dəyərləndirə bilmədik. Çox yaxşı çıxış etdik. 3 xal qazanmağıdımız üçün sevinə bilmirəm.
- Sizcə, “Neftçi” bu matçda 2 xal itirdi, yoxsa 1 xal qazandı?
- Qalib gəlməli idik. Rəqibdən daha çox qol epizodu yaratdıq. Xüsusən də matçın sonlarında 2-3 real şansımız oldu. Rəqib qapıçı lap sonda əla qurtarış etdi. Bütün bunları nəzərə alaraq, yəqin ki, 2 xal itirdik. Rəqibdən daha yaxşı idik.
- Matçın ikinci hissəsində meydanda gərginlik yaşandı. Həmin vaxt nə baş verdi, insident necə yarandı?
- Açığı, mən epizoda yaxın deyildim. Ona görə də mübahisənin əvvəlini dəqiq görə bilmədim. Bir qədər kənarda idim. İstənilən halda meydanda bu cür halların yaşanması heç də xoş deyil.
- Qarşıdan “Qarabağ”la oyun gəlir. Həmin matçdan gözləntiləriniz nədir?
- “Qarabağ”ın gücünü bilirik. Məqsədimiz qələbə qazanmaqdır. Bəli, rəqib güclü komandadır. Lakin biz də “Neftçi”yik. Hər matçda 3 xal qazanmaq istəyirik.
- “Sabah”, “Qarabağ”, ardınca da “Turan Tovuz”. “Neftçi”nin bu sıx qrafikə gücü çatacaq?
- Təqvim bu cür alınıb. Bəlkə də belə daha yaxşıdır. Yaxud da əksinə, arada nisbətən fərqli rəqiblə qarşılaşsaydıq, daha münasib ola bilərdi. İstənilən halda ciddi nəsə dəyişmir. Məqsəd 3 xal qazanmaqdır. Fərqi yoxdur bu komandalarla indi qarşılaşdıq, yaxud sonra.
- “Neftçi”yə yeni qoşulanlardansınız. Azərbaycan Premyer Liqasının səviyyəsini necə qiymətləndirirsiniz?
- Səviyyə çox yaxşıdır. Elə “Sabah”la matçımız da buna nümunə idi. Adaptasiyam yaxşı keçir. Düzdür, Şotlandiya ilə müqayisədə oyun tərzi fərqlidir. İnanıram ki, zamanla hər şey daha yaxşı olacaq.
Yuri Vernidub: “1 xal da bizi qane edir”
Valdas Dambrauskas: “Daha gözəl futbol izləmək istərdik”
"Bavariya"nın planlarında Haaland yoxdur
Montella istefaya göndərildi
"Kəpəz"in "Araz-Naxçıvan"a vurduğu qollar - Video
Mourinyo Mbappeni müdafiə etdi
Yuri Maksimov: "Müdafiədə səhvlərimizi azaltmalıyıq"
"Neftçi" - "Sabah": Heyətlər
Rafinya "Qalatasaray"a qarşı oynayacaq, ya yox?
Azərbaycan boksçusu finalda - Avropa çempionatı
Kubokda 29 ildən sonra rekord təkrarlandı
Azərbaycan kubokunda 1-ci mərhələyə yekun vuruldu
Mareskadan “Liverpul”la oyun öncəsi açıqlama
"Araz-Naxçıvan" - "Kəpəz": Heyətlər açıqlandı
Arteta dünyanın ən çox maaş alan məşqçisi oldu
"Ayın qolu"nun müəllifi mükafatlandırıldı
Zelim Kotsoyevdən dünya çempionatına erkən vida
Neymar 6 dəqiqəyə dubl edib xilaskar oldu
Bakı Olimpiya Stadionundan yeni - Şəkillər
“Everton” satılır: klub təsdiqlədi
Matteo Darmian bu kluba keçdi
Daha 6 boksçumuz yarımfinalda - Avropa çempionatı
