İslam Oyunlarının rəsmi açılışı oldu - Yenilənib

İslam Oyunlarının rəsmi açılışı oldu -  Yenilənib
XƏBƏR 13 May 2017 / 00:25 3680
-  A +

Bakıda IV İslam Həmrəyliyi Oyunlarının rəsmi açılış mərasimi keçirilib.

Qol.az-ın APA-ya istinadən yaydığı xəbərə görə, Bakı Olimpiya Stadionunda 2 saat davam edən mərasimdə Azərbaycan və islam mədəniyyəti tərənnüm edilib, idmançıların paradı və atəşfəşanlıq olub.
 
Açılış mərasiminin keçirildiyi Bakı Olimpiya stadiona Azərbaycan bayrağı gətirilib. Azərbaycan bayrağı 8 nəfər tərəfindən gətirilib və Xüsusi Dövlət Mühafizə Xidmətinin Milli Qvardiyasının üç hərbçisi tərəfindən qaldırılıb, dövlət himni səsləndirilib.
 
Stadionun damından Azərbaycan bayrağının rənglərini təcəssüm etdirən atəşfəşanlıq başlayıb. Ekranlarda göstərilən videoçarxda başlanğıc mərasimində Xəzərdən başlayan səyahət və Azərbaycanın böyük təbii gözəlliyə malik müxtəlif yerlərindən suyu toplayan uşaqlar göstərilib. Əllərində mis qablar tutan uşaqlar stadiona daxil olub və Azərbaycan sularını səhnədəki böyük mis siniyə töküblər. Uşaqların arxasında pirotexnika şəlaləsi işə düşüb.
 
Daha sonra isə komandaların paradı başlayıb. Hər komanda stadiona öz bayrağı altında daxil olub.
 
Onlar plakat saxlayan kişinin və mis qabda su daşıyan qadının arxasınca gediblər. Azərbaycan komandası stadiona daxil olan kimi Natiq Şirinov və digər 19 nağaraçı ifa etməyə başlayıb. “Bakı 2017” İslam Həmrəyliyi Oyunlarının bayraqları yan-yana dalğalanmağa başlayıb. İslam Həmrəyliyi İdman Federasiyasının bayrağı Azərbaycanın 10 çempionu tərəfindən stadiona gətirilib. İslam Həmrəyliyi İdman Federasiyasının bayrağı hərbçilər tərəfindən qaldırılıb. Bütün idmançılar və hakimlər adından and içilib.
 
***
 
IV İslam Həmrəyliyi Oyunlarının açılış mərasimində Birinci vitse-prezident və “Bakı 2017” Təşkilat Komitəsinin sədri Mehriban Əliyeva və İslam Əməkdaşlıq Təşkilatının baş katibi Yusif bin Əhməd Əl-Osaymin çıxış ediblər.
 
Sonra Azərbaycan prezidenti İlham Əliyev IV İslam Həmrəyliyi Oyunlarını açıq elan edib, Bakı Olimpiya stadionunun damında atəşfəşanlıq başlayıb.
 
“Bakı-2017” yazısını formalaşdıraraq gecə səmasına işıq saçıb. Azərbaycan komandası stadiona daxil olduğu zaman qarşıda gedən xanım mis su qabını əlində qapıdan səhnəyə daxil olub. 56 digər su daşıyıcısı ona qoşulub. Onlar bir yerdə İslam Həmrəyliyi İdman Federasiyasının 57 üzvünü təmsil ediblər. Qadınlar suyu siniyə töküblər və nəticədə gözəl fəvvarə alınıb İslam aləmi bununla rəmzi olaraq birləşib.
 
***
 
Mərasimdə Azərbaycanın və İslam sivilizasiyasının böyük töhfələri nəzərə çatdırılıb
 
IV İslam Həmrəyliyi Oyunlarının açılış mərasimində cülh və ümid haqqında universal hekayət təqdim edilib, İslam sivilizasiyasının böyük töhfələri nəzərə çatdırılıb.
 
Nümayiş etdirilən videoçarxda Azərbaycanın əsrlər boyu formalaşmış mədəniyyətindən qaynaqlanan hekayətdə maraqlı bilik və ixtira səyahətinə çıxmış Mina adlı kiçik qız və onun çərpələngindən bəhs edilib.
 

Son xəbərlər
04.05.24  17:51

"Arsenal"dan qələbə