"Xal fərqi bizi arxayınlaşdırmır" - Svanadze

"Xal fərqi bizi arxayınlaşdırmır" - Svanadze
ÖLKƏ FUTBOLU 4 Mart 2017 / 22:30 2082
-  A +

Bakı "İnter"inin baş məşqçisi Zaur Svanadze Topaz Premyer Liqanın 21-ci turunda "Qəbələ" ilə oyundan (0:2) sonra jurnalistlərin suallarını cavablandırıb.

- Komandamız yorğun görünürdü. İlk hissədə heç nə ilə yadda qalmadıq. "Qəbələ” çox yaxşı komandadır. Növbəti oyuna hazırlaşmalıyıq.
 
- Əvəzetmələrinizdən sonra üçlü müdafiəyə keçdiniz. Bundan sonra qapınızda qollar gördüz. Taktiki dəyişikliyin qolların buraxılmasında nə dərəcədə rolu oldu?

- Samir Zərgərovla Pərdis Fərcad-Azadın meydana daxil olması taktiki dəyişiklik deyildi. Pərdisin də Samirin də qol vurmaq şansı var idi. Sadəcə, müdafiədə buraxılan səhvlərə görə qapımızda qollar gördük.
 
- “İnter”in həm ikinci, həm də dördüncü pillə ilə çox böyük xal fərqi var. Bu amil oyunlara köklənməyə mənfi təsir etmir?

- Xeyr, rahatlaşmırıq. Xal fərqini o qədər də çox hesab etmirəm. Xal fərqi bizi arxayınlaşdırmır.
 
- “Qarabağ”la oyunda “İnter” daha istəkli idi. Bu gün isə sanki oyununuz alınmadı. Bunun səbəbi nədir?

- Bizim 24 futbolçumuz var. Bunlardan üçü qapıçıdır. Qalan 21 futbolçudan 8 nəfəri gəncdir. Biz də məcburuq ki, onları oynadaq. İndi fasilə yaranacaq. Fasilədən sonra isə qrafikimiz sıxdır. Ehtiyat oyunçular skamyamızın zəngin olmaması bizə problem yaradacaq.
 
- Maaşların ayın 10-dək veriləcəyi deyilirdi. Bu barədə yeni bir xəbər var?

- Bəli, elə deyiblər. Martın 10-u maaşlar veriləcək.

Daha çox


Son xəbərlər
26.03.26  17:39

Arteta, Hau, Moyes…

topaz banner