“Neftçi”nin sabiq çalışdırıcısı, millimizin baş məşqçisinin köməkçisi Arif Əsədov “Qarabağ” və “Neftçi”nin avrokubokların üçüncü təsnifat mərhələsindəki ilk oyunları barədə Qol.az saytının suallarını cavablandırıb.
- Arif bəy, bu həftə “Qarabağ” və “Neftçi” avrokuboklarda növbəti oyunlarını keçirdi. “Qarabağ”ın Çempionlar Liqasının üçüncü təsnifat mərhələsi çərçivəsində səfərdə APOEL-ə qarşı çıxışını necə dəyərləndirirsiz?
- Düşünürəm ki, “Qarabağ” istədiyinə maksimum şəkildə nail oldu. Hətta heç-heçə də qənaətbəxş sayılacaqdı. Amma “Qarabağ” 2:1 hesablı qələbə qazana bildi. Düzdür, bu, 0:2 də ola bilərdi. “Qarabağ” ilk hissədə rəqibin təzyiqinə davam gətirdikdən sonra APOEL-i əks hücumlarda yaxalaya bildi. Ağdam klubunun qol vuracağı gözlənilən idi. Çünki rəqibin müdafiə xəttində pərakəndəlik hiss olunurdu. APOEL böyük qüvvə ilə hücuma atılırdı. Bununla belə əgər “Qarabağ”ın Zubir, Mahir Emreli kimi yüksək səviyyəli oyunçularına zona verirsənsə, onlar hər an səni cəzalandıra bilərlər. Bunun da nəticəsi kimi “Qarabağ” 2 qol vura bildi.
- Fikrinizcə, “Qarabağ” səfərdə qalib gəldiyi APOEL ilə evdə necə oynayacaq? İlk oyunda qeydə alınan hesaba əsasən matça daha rahat çıxacaq , yoxsa ehtiyatlı olmağa çalışacaq?
- Bunu məşqçilər daha yaxşı bilər. Buna baxmayaraq, “Qarabağ” arxayın olmamalıdır ki, bu hesab onları növbəti mərhələyə daşıyacaq. Çətin oyun olacaq. Rəqibin müdafiə xəttindəki boşluqlardan ilk oyunda olduğu kimi istifadə edib qol vura bilər.
- “Qarabağ”ın heyətinə bu mövsüm yeni oyunçular cəlb olunub. Heyət daha da gücləndirilib. Bu cür güclü heyətlə “Qarabağ” ÇL-də hara qədər irəliləyə bilər? Yeni transferlərə ehtiyac varmı?
- Əgər biz Çempionlar Liqasının qrupunu düşünürüksə, heyət mütləq gücləndirilməlidir. Düzdür, ilk oyununda yeni transfer Maqaye Qeye qol vurması ilə hiss etdirir ki, hücumçu kimi yaxşı potensialı var. Amma hələ tam hazır deyil. Bu oyunçunun gəlişini Dino Ndlovunun gəlişinə bənzətdim. O da ilk gələndə tam hazır deyildi. Ancaq vaxt keçdikcə yavaş-yavaş hiss olunurdu ki, oyunçunun qabında nəsə var. Düşünürəm kimi, Ndlovu kimi bü hücumçunun da “Qarabağ”a böyük köməyi dəyəcək. Gücləndirilməli nöqtələrdən biri də müdafiə xəttidir. Bu mövqeyə də yaxşı oyunçular lazımdır. Çünki qarşıda daha güclü komandalar ola bilər.
- Sözlərinizdən belə nəticəyə gəlmək olar ki, sizin fikrinizcə, “Qarabağ”da topa ilk toxunuşdaca qol vuran Maqaye Qeye yeni Ndlovu olacaq?
- Bayaq qeyd etdiyim kimi, birinci dəfə Ndlovunu izləyəndə hazır deyildi, potensial isə hiss olunurdu. Qeyedə də bü cür bənzərlik var. Bəlkə də yanılıram, amma mənə elə gəlir ki, o da Ndlovu kimi yaxşı hücumçu olacaq.
- “Qarabağ”ın oyunlarında əsas problemlər, boşluqlar harda idi?
- Gəlin, problemləri hissələrə ayırmayaq. Ümumi komandaya baxanda görürsən ki, müdafiədə rəqabət üçün əlavə oyunçu lazımdır. Komandanın kapitanı Rəşad Sadıqov zədələndiyi təqdirdə onu əvəzləyəcək müdafiəçi yoxdur. Üstəlik Bədavi Hüseynovun da zədəli olması komandaya yeni nəfəsin gətirilməsi tələbini daha da artırır. Düşünürəm ki, əsasən müdafiə xətti gücləndirilməlidir.
- İndi isə keçək “Neftçi”yə. AL-də dalbadal dörd qələbə qazanan və qapısından top buraxmayan “Neftçi” “Bney Yehuda” ilə oyunda birdən-birə qapısında iki top gördü. Bununla belə əzmkar heç-heçə edə bildi. Sizcə, bu arxayınlıq idi, yoxsa rəqib düzgün təhlil edilməmişdi?
- Deyə bilmərəm ki, komandada arxayınlıq var idi. İlk oyun həmişə kəşfiyyat xarakterli olur. Dünənki matçda “Neftçi” ev sahibi komanda kimi başlamamışdı. Rəqib isə kompakt müdafiə olunmağı bacarırdı. 5-li müdafiə ilə oynaması və rəqibin “Neftçi”nin hücumlarını qarşısını ortada alması komandaya çətinlik yaradırdı. İkinci bir məqam odur ki, “Neftçi”də mövqe dəyişikləri olmuşdu. Əgər keçən oyunda “Neftçi” 2 dayaq yarımmüdafiəçisi ilə oynayırdısa, bu oyunda 1 dayaq yarımmüdafiəçisi ilə çıxış edirdi. İlk dəqiqələrdən görünürdü ki, Platellas hücumçu mövqeyində oynaya bilmir. Həmçinin komandanın müdafiə xəttində boşluqlar yaranırdı ki, rəqib əks-hücumda bundan istifadə edib qol vura bildi. Birinci qol elə dayaq zonasından vuruldu. Bununla belə matçın 35-40-cı dəqiqələrində baş məşqçinin tapşırığı ilə Platellasın öz mövqeyinə qayıtması “Neftçi”nin oyununu tamam dəyişdirdi. Üstünlüyün “Neftçi” tərəfə keçməsi komandanın birinci hissənin sonunda fərqi azaltmasına səbəb oldu. Fikrimcə, taktiki dəyişikliklərin vaxtında edilməsi “Neftçi”də hücum potensialını artırdı.
Komanda yerdəyişmələr etməklə oyunun axarını dəyişə bildi. Baxmayaraq ki, “Neftçi” meydana 4-3-3 taktiki sxemi ilə çıxmışdı, qeyd etdiyim yerdəyişmələrdən sonra komanda 4-2-3-1 sxemi ilə oynadı. 2 qol buraxmasına rəğmən, hesab edirəm ki, “Neftçi” səfərdə daha rahat oynayacaq. Çünki heyətdə əks hücumlardan istifadə edə bilən güclü oyunçular var. Rəqib evdə oynadığı üçün burdakına nisbətən açıq oyuna üstünlük verərək qələbə qazanmağa çalışacaq. Bu da “Neftçi”yə əks hücumları dəyərləndirməsi üçün yaxşı şans deməkdir. Şansları 50/50-dir.
- İsrail təmsilçisinin baş məşqçisi Yossi Abukasis mətbuat konfransında qeyd etdi ki, 2:2 hesabı “Neftçi” üçün yaxşı nəticə hesab olunmalıdır. Bu fikrə münasibətiniz necədir?
- Məşqçi “əgər oyunun əvvəlində heç-heçə deyilsə idi, razı olardım” ifadəsini işlətmişdi. Ancaq gedişatda onlar 2 qol ilə irəli keçmişdilər. Bundan sonra qalib gəlmək üçün oynayırdılar. Son dəqiqələrdə buraxdıqları qol ilə baş məşqçi onu nəzərdə tuturdu ki, bu hesab həqiqətən də rəqib üçün qənaətbəxşdir.
Azad NURİYEV
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu