Avropa Liqasının üçüncü təsnifat mərhələsinin ilk oyununda «Qarabağ» Helsinkidə meydan sahibi «Honka»ya 0:1 hesabı ilə qalib gəlməklə növbəti mərhələyə çıxmaq yolunda ciddi addım atıb. İyulun 30-da Helsinkidə keçirilmiş oyunu Azərbaycanın futbol ictimaiyyəti indi bu cür qiymətləndirir.
Həmin oyunun ulduzu – «Qarabağ»ın mərkəz yarımmüdafiəçisi 21 yaşlı Elvin Məmmədov deyir ki, bəlkə də «Qarabağ» bundan da yaxşı oyunlar göstərəcək, ancaq bu oyun, vurduğu qol həmişə yaddaşında qalacaq:
- Biz bu oyuna yaxşı hazırlaşmışdıq. Helsinkiyə qələbə üçün getmişdik. Nəticəyə görə isə çox sevinirəm.
- Oyundan əvvəl qol vuracağınızı gözləyirdinizmi? Həmin o 69-cu dəqiqə haqqında indi nə düşünürsüz?
- Yox, oyundan qabaq heç nə bilmirdim. Düzdür, qol vurmaq istəyirdim. Ancaq olmaya da bilərdi. Demək ki, qismət idi, mən də vurdum. O gözəl 69-cu dəqiqə... Top qabağıma düşdü. Cərimə meydançasında öz futbolçumuz yox idi. Qapını gördüm, vurdum. Top da gözəl getdi. Demək o qol mənim qismətim idi.
- Nə vaxtsa, belə bir qol vuracağınızı ağlınıza gətirirdiniz?
- Məhz belə yox. Həm də bu, mənin Avropa Liqasının təsnifat mərhələsində vurduğum ilk qol idi. Davamının olmasını isə çox istəyirəm.
- Yəqin, bu qoldan sonra məsuliyyətiniz artacaq...
- Əlbəttə, azarkeşlər ardını istəyəcəklər. Ardının olmasını mən də çox istəyirəm.
- Sizi milli komandaya dəvət ediblər?
- Bəli, bu oyundan əvvəl dəvət almışam. «Qarabağ»ın futbolçusu kimi ilk dəfə milli komandada çıxış edəcəyəm.
- «Qarabağ»a gəlməmişdən əvvəl demişdiz ki, «Qarabağ» Avropada da sözünü deyəcək.
- Bəli, mən buna çox inanıram. Çünki «Qarabağ»da futbolçular bir-birini çox gözəl anlayır. Bizdə cəmi bir legioner futbolçu var. Hamımız bir-birimizə inanırıq, göstərmək istəyirik ki, Azərbaycan futbolçuları da futbol oynaya bilir. Bizdə böyük ruh yüksəkliyi var. Qələbələrimizə yardım edən həm bu, həm də azarkeş dəstəyidir. Mən bu komandada daha yaxşı oyunlar göstərmək istəyirəm. İndi cavab oyununa hazırlaşırıq. Hər şey ola bilər, arxayınlaşmaq olmaz.
- Bəs, Azərbaycan milli komandası niyə belə oyun göstərə bilmir?
- O da olacaq.
- Siz Almaniya ilə oyuna çıxacaqsız?
- Bu, baş məşqçidən – Berti Foqtsdan asılıdır.
Mənbə: “Azadlıq” radiosu
PSJ hücumçusunu satdı
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
Klopp üzr istədi