03.02.14
Səhv etmirəmsə, 2007-ci il idi, 17 yaşlı futbolçulardan ibarət Avropa çempionatının seçmə mərhələ oyunları Bakıda keçirilirdi. Millimizin Tofiq Bəhramov adına Respublika stadionunda keçirilən növbəti matçının hakimi Türkiyənin tanınmış FİFA referilərindən olan Fırat Aydınus idi.
Qarşılaşmadan sonra ona yaxınlaşıb qısa müsahibə götürmək istəyimi bildirərkən mənə dedi ki, hakimin öz oyunu ilə bağlı müsahibə verməsi UEFA tərəfindən qəti qadağan olunub. Bu yaxınlarda analoji dialoq Vüsal Əliyevlə də yaşandı. Bu dəfə isə ona zəng edib qalmaqallı “Turan”-“Kəpəz” matçında baş verənlərə münasibət öyrənmək istədim. Aydınus kimi FİFA referisi adını daşıyan Vüsal bəy də çox səmimi şəkildə bildirdi ki, UEFA hakimlərə öz oyunu haqqında şərh verməyi qadağan edib və bu prinsip AFFA Hakimlər Komitəsinin fəaliyyətində də keçərlidir.
Yəni hansısa açıqlama verməsi onun cəzalanması ilə nəticələnə bilər. Başqa bir FİFA referimiz Fariz Yusifov da idarə etdiyi AZAL - “Neftçi” oyunundan sonra yayılan qalmaqallı fikirlərə münasibət bildirmək üçün telefon vasitəsilə yerli telekanalların birində yayınlanan futbol verlişinə qoşularkən analoji addımı atdı. Belə ki, o da oyunla bağlı danışmağa ixtiyarının olmadığını deyərək, yalnız Bahadır Nasimovu söydüyünə dair yayılan xəbərlərin yalnış olduğunu deməklə kifayətləndi. Bir sözlə, artıq tam əmin oldum ki, həqiqətən də hər hansı bir hakimin öz oyunu ilə bağlı, müsahibə bir yana, adi açıqlama verməsi belə qadağandır.
Ancaq ötən gün mətbuatdan oxuduqlarım məni sözün əsl mənasında təəccübləndirdi. Bildiyiniz kimi, I divizionun ilk turu çərçivəsində Neftçalada keçirilən “Neftçala” - “Qaradağ-Lökbatan” matçı qalmaqalla yadda qalmışdı. Daha doğrusu, Qaradağ futbolçuları hakimin idarəçiliyindən kəskin narazı qalmış, onu kobud səhvlərə yol verməkdə ittiham etmişdilər. Klubun hakimlikdən narazı qalması, bununla bağlı bəyənat yayması, lazımı qurumlara şikayət etməsi normaldı.
Ancaq normal olmayan sözügedən qarşılaşmanın baş hakimi Ramiz Əhmədovun öz idarə etdiyi oyunla bağlı mətbuata yarım səhivəlik açıqlama verməsidir. Əhmədov açıqlamalarında verdiyi qərarları, mübahisəli epizodları özünün xeyrinə əməlli-başlı təhlil etmiş, “Qaradağ-Lökbatan” komandasının məşqçilərini futbolu bilməməkdə ittiham etmişdi. İndi ortaya sual çıxır? Əgər bir hakiminki öz idarə etdiyi oyunla bağlı şərh verməsi birbaşa UEFA tərəfindən qadağan olunubsa, o zaman Əhmədova kim ixtiyar verib ki, bu təlimatı pozsun? Yoxsa, bizdə bəzi hakimlər UEFA-nın tətbiq etdiyi yox, öz tətbiq etdikləri qaydalarla işləyirlər? Bəyəm dərəbəylikdi? Görəsən AFFA Hakimlər Komitəsi hara baxır? Nəyə görə təlimatı pozan hakim cəzalanmır? Yoxsa, Rasim Əhmədov Fariz Yusifovdan, yaxud Vüsal Əliyevdən artıq hakimdir?
Maraqlıdır ki, Əhmədovun ardınca mətbuata açıqlama verən Hakimlər Komitəsinin sədri Xaqani Məmmədov “mən olsaydım, o tərbiyəsizlərin hamısını meydandan qovardım” fikirlərini səsləndirib. Ancaq yaxşı olar ki, Xaqani Məmmədov kimisə meydandan qovmazdan əvvəl təlimatı kobud surətdə pozaraq idarə etdiyi oyun haqqında açıqlama verən öz hakimi ilə bağlı ölçü götürsün.
Anar XANLAROV,
Qol.Az saytı üçün
"Komo" "Milan"dan 16 yaşlı hücumçunu aldı
"Atletiko"nun sabiq oyunçusu "Turan Tovuz"da - Rəsmi
"Qarabağ" növbəti transferini açıqladı - Rəsmi
"Beşiktaş" onu azad agent kimi transfer edir
"Araz-Naxçıvan" "Alanyaspor"la bərabərə qaldı
"Şamaxı"dan daha bir transfer - Rəsmi
İbrahim Şehiçi transfer etdilər
"Sumqayıt" yeni transferini açıqladı - Yenilənib
A seriyasının ən yaxşı qapıçısı ilə müqavilə yeniləndi
"Fənərbaxça" 18 yaşlı futbolçu transfer etdi
"Turan Tovuz" onu da göndərdi
Henderson yenidən Premyer Liqada
Azərbaycan millisinin üzvü “Sabah”la müqaviləsini ləğv etdi
Araz Abdullayevin yeni klubu - Rəsmi
1-ci liqanın başlama tarixi məlum oldu
"Sumqayıt"da növbəti ayrılıq
"Bayer"in yeni səfər formaları - Şəkillər
Cicanın transferini açıqladılar
Özbək hücumçunun İstanbul klubuna keçidi rəsmiləşdi
Azərbaycan klublarının Avropada 500-cu qolu
"Araz-Naxçıvan"ın rəqibi sabiq "Barselona"lını transfer etdi
"Real" yeni transfer üçün razılaşdı
Dünya çempionu "Roma"dan bu kluba keçdi
Arda Turandan əla rəsmi debüt - Video
“Tottenhem”dən yeni transfer
Konfrans Liqasında gecənin nəticələri
Avroliqada yeni mövsüm başladı
"Sabah" - "Çelye" oyunundakı 5 qol - Video
"Atletik"in oyunçusu futboldan kənarlaşdırıldı
"Bizə daha çox güvənin" - Valdas Dambrauskas
"Hazırda cütün ən güclüsü bizik" - "Çelye"nin baş məşqçisi
"Sabah" "Çelye"yə məğlub oldu
"Qarabağ"da növbəti ayrılıq - Bu kluba keçdi
"Liverpul"un oyunçusu yalnız "Real"ı istəyir
"Milan" onun Səudiyyə Ərəbistanı klubuna keçidini açıqladı
Edin Cekonun bu kluba keçidi açıqlandı
"Sabah" - "Çelye" matçı üçün - Heyətlər
"Şamaxı"dan yeni transfer - Rəsmi
"Turan Tovuz" növbəti transferini rəsmən açıqladı
"Sumqayıt"dan yayın ilk transferi - Rəsmi
"Sumqayıt"ın yeni baş məşqçisinin köməkçiləri müəyyənləşdi
"Məqsəd "Mingəçevir"i çempion etməkdir"
Cordan Henderson "Ayaks"dan ayrıldı
