19.01.24
İllər öncə bunu xəyal edə bilməzdik. "Rusenborq"la oyun bir başlanğıc idi. Sıfırdan başlayıb Çempionlar Liqasının qrupunda bitəcək bir arzunun başlanğıcı. O zaman "Qarabağ"ın legioneri filan da demək olar yox idi. İnanmadığımız azərbaycanlı uşaqlara inanan Qurban Qurbanov bu işi bacardı. Xəyalı gerçək etdi. Onda heç Qurban Qurbanova da inanmırdıq...
ÇL qrupunun astanasındayıq. Bakı stadionunda ilk dəfə rəsmən dünyanın ən mötəbər klub turnirinin himni səslənəcək. Bu işi inanmadığımız Qurban Qurbanovun rəhbərlik etdiyi, adına qurban olduğumuz "Qarabağ" bacardı. İndi yenə inamımız güclü deyil...
Yeri gəldi gəlmədi Əfranı, Rəşadı başqa azərbaycanlı oyunçuları tənqid edir, onları fitə basırıq. Amma bu gün başqa gündü. Bu gün əfranlara, rəşadlara 90 dəqiqə dayanmadan dəstək olmalıyıq. Nə olur olsun! Udsaq da uduzsaq da! Çünki, bizdən fərqli bu uşaqlar azərbaycanlı azarkeşlərə inanaraq bu yerlərə gəlib.
Bu gün həm də azarkeşlərin qalib gəlib-gəlməyəcəyi bir oyundu. Bu tarixi "Qarabağ" azarkeşlərlə bir yerdə yazacaq! Bütövləşib, bir olub, 90 dəqiqə meydanda və tribunada rəqibi təzyiq altında saxlayıb, şoka salıb yazacağıq bu tarixi! Anşlaq olacaq! Hamı "Qarabağ"ın qələbəsini yalnız sözdə yox ürəkdə, əməldə istəyəcək və 90 dəqiqə susmayacağıq! Əfran bu gün danimarkalıların başına oyun açacaq! İkinci mərtəbədə həm boy həm keyfiyyətcə bizdən üstün olan rəqibə top verməyəcəyik! Pressinqlərini faydasız edəcəyik! "Qarabağ"ın futbolçuları artıq gözüyumulu nə etməyi bilir. "Qarabağ" bir yapon maşınıdı!
Bulmekerlərin çempionumuzu ÇL-də günün şanslı komandalarından biri kimi görməyi təsadüf deyil! Onlar da "Qarabağ"a inanır! Biz niyə inanmayaq ki?! Bu yerlərə Qurbanla Rəşadla Əfranla gəldik. "Rusenborq"la o tarixi də bu BÖYÜK AZƏRBAYCANLILAR yazmışdı.
Həmin oyunlardan əvvəl mətbuatımızda ilk dəfə "Qarabağ" artıq "xalq komandasıdı" yazmışdım. Bu dəfə isə "Qarabağ" artıq dünyəvi komandadı" yazıram. Çünki onlara yalnız dünya azərbaycanlıları yox, bir çox başqa ölkələrin futbol qurmanları da könül verib!
"Qarabağ"ın müdafiəçilərinin boyu rəqiblərdən kiçik ola bilər. Amma ürəkləri onlardan böyükdü! Miçel kimi boylu-buxunlu, lazım gələndə müdafiədə havada krallıq edəcək oyunçularımız da var.
"Rusenborq"la oyundan əvvəl "rəhmətlik həmkarım Adil Qaçayoğlu üçün bu qələbəni qazanmalıyıq" yazmışdım. Bu dəfə istedadı qədər bəxti olmayan Dani Kintana üçün oynayacaq həm də komanda yoldaşları!
Artıq "Qarabağ" o "Qarabağ" deyil. Qurban da o Qurban deyil. Təmkinli, sözün hər mənasında PEŞƏKAR və soyuqqanlı bir kollektiv var. Topla rəqibdən daha yaxşı rəftar edən, daha ürəkli, daha istəkli bir çempionumuz var! Qol və ya qollar buraxıb hesabda geri düşsə belə sonadək mübarizə aparıb ÇL qrupuna düşəcək "Qarabağ"ımız var!
Uğurlar, könüllərimizin ÇL qalibi!
Uğurlar, "Qarabağ"!
Anar ŞABANOĞLU
"Real" yeni transferini açıqladı
"Milan" Modriçin keçidini rəsmiləşdirdi
"Komandamdan narazı qalmadım" - Elmar Baxşıyev
Modriç "Milan" azarkeşlərinə səsləndi
"Araz-Naxçıvan" Superliqa klubuna uduzdu
"Qəbələ" "Şamaxı"ya qalib gəldi
"Real"ın oyunçusu: "Betis" mənim evimdir"
PSJ-nin kapitanı: "Bu məğlubiyyət bizə dərs olacaq"
"İmişli"nin yayda daha iki rəqibi bəlli oldu
Klublararası dünya çempionatının rəmzi komandası
"Sumqayıt" onu da göndərdi
Adama Diakabi Almaniya klubuna keçdi
Daha bir azərbaycanlı futbolçu Qırğızıstan klubunda
“Qarabağ” İsveçdə qələbə ilə başladı
U-15 "Region Kuboku"nun qalibi məlum oldu - Şəkillər
"Barselona" transferi açıqladı
Dünya çempionatının ən yaxşıları
Avropa birinciliyi: 4 boksçumuz finalda
Mahir Emrelini vurdular, ara qarışdı - Video+Şəkillər
"Neftçi" İsrail və Polşa klubları ilə qarşılaşacaq
Redon Cica "Qarabağ"la belə vidalaşdı
Azərbaycan boksçusu Portuqaliyada qızıl medal qazandı
Dünya çempionu olan “Çelsi”nin fantastik gəliri
"Turan Tovuz"un növbəti rəqibi məlum oldu
"Futbolu Səudiyyə Ərəbistanına uduzduq"
“Fənərbaxça”dan yeni transfer
"Çelsi"ni dünya çempionu edən matçdan - Video
“Neftçi”də növbəti ayrılıq
Klublararası dünya çempionatının qalibi bəlli oldu
"Arsenal" Gyökereş üçün 80 milyon ödəməyə hazırdır
"Liverpul" yoxlama oyunu keçirdi
PSJ onunla yeni müqavilə imzalamaq istəyir
"Atalanta" Gürcüstan millisinin hücumçusu ilə maraqlanır
"Biz 3 və ya 4 dəfə Çempionlar Liqasını qazana bilərdik"
Yeni tikilən Gəncə stadionundakı durum - Şəkillər
"Liverpul" futbolçusunu Rodriqo ilə dəyişmək istəyir
"Real"da iki ayrılıq baş verə bilər
"İmişli" daha bir legioneri transfer etdi - Rəsmi
"Neftçi"nin sabiq hücumçusu ərəb klubunda - Rəsmi
“Real”dan “Benfika”ya keçdi
"Qalatasaray"dan 5 qollu qələbə - Video
Firminonun yeni klubu bilindi
"Fənərbaxça" rəhbərliyində daha bir istefa
18 ildən sonra qayıtdı, qol vurdu, zədələndi
40 yaşlı Kasorla ilə müqavilə uzadıldı
"Zirə"nin rəqibi 3-cü oyununda da qalib gəldi
