"Zirə"nin baş məşqçisi Ayxan Abbasovun Qol.az saytına müsahibəsi
- AZAL klubu dünən ləğv olunduğunu açıqladı. Əvvəlcə buna münasibətinizi bilmək istərdik.
- AZAL-ın dağılması mənə də pis təsir etdi. Heç kim istəməz ki, hansısa klubumuz fəaliyyətini dayandırsın.
- Klub bəyanat yayıb ki, "Zirə"yə maddi-texniki dəstək veriləcək. AZAL-ın infrastrukturundan necə istifadə edəcəksiniz?
- Bəli, iki klubun rəhbərliyi arasında görüş keçirildi. Qərara gəldilər ki, onlar bizə dəstək versinlər. Baza və stadionlarını bizə verdilər. Bu yöndə bizə kömək edəcəklər. Sağ olsunlar. Bildiyiniz kimi, bazamız yox idi. Bu sarıdan çətinlik çəkirdik. AZAL-ın bazasından və stadionundan istifadə edəcəyik.
- Ev oyunlarını "AZAL Arena"da keçirə bilərsiniz?
- Hələ orda oyun keçirməyi düşünmürük. Məşqlər ola bilər. Oranın süni ot örtüyü elə də yaxşı vəziyyətdə deyil. Ancaq akademiyamızın futbolçuları istifadə edə bilər. Gələcəkdə nə olacaq, onu deyə bilmərəm. Bu gün üçün planımız odur ki, ev oyunlarımızı öz stadionumuzda keçirəcəyik.
- AZAL-ın futbolçularından heyətə cəlb etmək istədikləriniz var?
- AZAL klubunun fəaliyyətini dayandırması haqda qərar anidən verildiyi üçün bu barədə düşünməmişdik. Bildiyimə görə, futbolçularının 90 faizi ilə müqavilələri başa çatır. Bəyəndiyimiz futbolçu olsa, komandaya cəlb edəcəyik. İki futbolçu var ki, onlardan istifadə edə bilərik. Adlarını açıqlamağım düzgün olmaz.
- Qışda "Zirə"yə baş məşqçi təyin olundunuz. Nəticə göz qabağındadır. Bəs komandanı istədiyiniz istiqamətdə apara bilirsiniz?
- Qış fasiləsindən sonra komandamız əzmkar oyun nümayiş etdirdi. Ardıcıl xallar qazandıq. Ümumiyyətlə, “Zirə” həmişə əzmkarlığı ilə seçilib. Uğurlu mövsüm keçirdiyimizi deyə bilərəm. Döyüşkən komanda yaratmaq istəyirdik ki, buna da nail olduq. Dördüncü yer pis nəticə deyil.
- Bundan artığını edə bilərdiniz?
- Bizdən yuxarıda olan komandalara fikir verin. “Qarabağ” və “Qəbələ”yə çatacağımız inandırıcı deyildi. Çünki onlar hərtərəfli bizdən güclüdür. “İnter”ə gəldikdə isə bu komanda ilə mübarizə aparmaq olardı. Hər halda əlimizdən gələni etdik ki, daha yuxarı pillələrdə olaq. Avrokuboklara düşməyə çalışırdıq. Şükürlər olsun ki, bunu bacardıq. İlk oyunlardan çalışdıq ki, futbolçular özlərinə güvənsinlər və rəhbərlik, məşqçilər, eləcə də azarkeşlər komandaya inansınlar. Bunu da bacardıq. Bundan artığını etmək üçün isə vaxtımız olmadı.
- "Zirə" ilk dəfə Avropa Liqasına vəsiqə qazandı. Avropa təcrübəsinin olmaması komandaya mane olacaq?
- Bəli, “Zirə” gənc klubdur, 3 ildir yaranıb. Təcrübəsizliyə görə müəyyən çətinliklərimiz olacaq. Gəlin, reallığı deyək. Bu gün avrokuboklarda təcrübəsi olan komandalarımız da bəzən ilk turda mübarizəni dayandırır. Deməli, bizim üçün də çox çətin olacaq. Ancaq bu, bizim üçün bir təcrübədir. “Zirə” Avropa təcrübəsi qazanmağa başlayacaq. Çalışacağıq ki, Azərbaycanı yaxşı təmsil edək.
- Üç futbolçu ilə yolları ayırdınız. Başqa göndərilənlər olacaq?
- Futbolçuların hamısı ilə danışacağıq. Bəli, gedənlər olacaq. Yaxın bir həftə ərzində hər şeyə aydınlıq gələcək.
- Cavid Tağıyev “Zirə”dən ayrıldığını açıqlayıb.
- Cavidin komandada qalıb-qalmayacağı hələ dəqiq bilinmir. O, daha çox oynamaq istəyir. Son vaxtlar az şans qazanırdı. Biz başqa sistemlə oynadığımıza görə ona çətin olur. Cavidin bizimlə müqaviləsi var. Onun məsələsinə yaxın günlərdə aydınlıq gələcək.
- Kapitan Elvin Məmmədovun müqaviləsi başa çatır?
- Bəli, artıq müqaviləsi bitir. Biz onunla söhbət etmişik. Komandada qalacaq. Bir həftədən sonra klubun büdcəsi açıqlanacaq. Ondan sonra digər futbolçularımızla da danışıqlarımız olacaq.
- Avroliqada uğurlu çıxış etmək üçün yeni transferlər etməyi düşünürsünüz?
- Əlbəttə, həm yerli, həm də legioner futbolçularla maraqlanırıq. Əsas odur ki, istədiyimiz futbolçunu tapaq.
- Hər transfer pəncərəsi açılanda sabiq hücumçunuz Nelson Bonillanın adı "Zirə" ilə hallanır. Onu yenidən komandada görmək istərdiniz?
- Xeyr. Biz onunla maraqlanmırıq. Bizim futbolçumuz Riçard Qadze Bonilla tipli hücumçudur. Ona görə də bizə başqa cür hücumçu lazımdır.
Ramiq AĞAMƏMMƏDOV
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
Hidayət Heydərov yarımfinalda - Avropa çempionatı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı